越色牛肉粉餐廳 (已結業)

楼上铺, 环境好大, 一坐低waiter就送左杯水来, 不过水就有D油膱味。都算有几多野食拣, 自己一个人就叫左份阿妈炒饭同烧牛肉米纸, 等左大约15分钟就送到, 卖相都几好。阿妈炒饭: Menu话系有扎肉系入面, 不过就见唔到, 海鲜都几多下, 虾都有成5-6只, D饭炒得够干身, 唔多油, 入口好香, 少少辣, 食完唔会滞, 系一个好有水准既炒饭。烧牛肉米纸: 好清新的一道菜, 包得好实, 食个时唔易散, 一食就好有蔬菜既香味加埋散出牛肉味, 食到底就完全食到烧牛肉, 烧得唔会太干, 保留左肉汁, 或者倒转由底开始食都可以, 先食牛再食菜, 又系另一番风味。我系夜晚上去, 唔使等位, 不过午餐就好似几爆, 价格又合理, 可以慢慢试哂佢个Menu都得。