住家餃子專門店 (文咸東街) (已結業)

是日午餐黎到上环呢间主打住家饺子既铺头食lunch。因为铺仔细冇咩枱加上饭市比较旺，佢地店员连埋煮野果位先得3个人，所以都要等一阵先入得，等左约5分钟可以入座啦！餐牌好简单就系得饺子同少少面食。我自己就点左B餐配是日饺子，原来是日饺子冇set死做一种，而系全部饺子都可以拣，我拣左榄菜四季豆鸡肉，跟餐一碗面之外，仲有6只饺子，加3蚊可以加豆浆/椰青水/绿豆沙，我拣左豆浆。夏天甘热，所以好自然就点左B餐，食冷面加饺子。我自己点左榄菜四季豆鸡肉饺，朋友点左虾仁鸡肉韮王饺，可以share黎食。先讲果芝麻酱冷面，佢加左啲大豆芽同菇，令到果层次更加丰富，成个面超岩夏天食，好爽口。饺子方面叫得做饺子店，当然皮薄馅靓啦，啲馅料好足，不过我嫌佢烚得果皮水左啲，摊一阵先食会冇甘水，但整体好食，我试左两只饺，觉得虾仁鸡肉韮王饺好食啲，爽口啲。另外佢有陈醋同老干妈辣酱俾你点饺子食，令成件事生色不少。整体黎讲，虽然午市好忙，但店员其实几有礼貌既，不过要俾啲耐性佢地，有时叫点野食等位呢啲可能会冇甘快。野食方面反而我觉得果面系惊喜过饺子，当然饺子都好食既，会推介大家试下呢间小店。