住家餃子專門店 (文咸東街) (已結業)

▪️鮑魚鮮菇餃子 配原味湯米線✅餃子大大粒，非常足料-每口都是鮮豬肉，而且見到粒粒冬菇拌在豬肉裏面，最重要是符合商品說明條例，每隻都有真鮑魚仔🤗✅味道亦好健康食到新鮮豬肉味，不會有過多調味料，但都有顧及重口味者，可自行加入附送的陳醋調味-米線正正常常，不會煮得過淋亦不會過硬身。-清湯底都足料，有木耳絲、芽菜、酸菜等配料，健康得黎味道不會好寡。市面上有些餃子肥肉例多，但這間餃子賣的餃子每隻都咁飽滿，肉質口感食得出是純豬肉包成，每隻都是人手製的用心之作，有點似我媽媽屋企包的餃子，如店舖之名有種住家的感覺！

唔知最近天氣發生咩事，但係好熱，熱到人都癲，好想淨係留喺有冷氣嘅地方就算，可惜約咗人岀去夾嘢，冇得唔岀去。夾完嘢都差唔多一點，諗住揾啲嘢食，食完就返屋企，喺文咸東街近滙豐嗰頭見有間餃子有開，冇諗咁多就入咗去先。套餐有三款，分別係餃子加湯麵、餃子加冷麵同埋餃子加時菜，天氣咁熱就梗係要個冷麵啦，餃子款式都多，有差唔多十款，我睇完之後嗌咗個京蔥牛肉餃，總數65蚊。冷麵比想像中大碗，材料就有木耳、冬菇同芽菜，再加捚上面嘅芝麻醬，食落好清爽。餃子方面份量十足，味道唔會太咸，點一點佢提供嘅醬汁已經好好味。醬汁有兩款，蒜蓉陳醋同老乾媽辣椒油，咁熱我一定唔會點辣油。總括幾有住家嘅感覺，店舖仲可以買生餃子返屋企，下次可以買啲比屋企人試下。

CP值：4.5/5價錢: - 獨家米線+雙拼餃子（六隻：鮑魚鮮菇豬肉+香茜蓮藕魚肉）：$28（因為經openrice訂，所以半價）大家放心我冇打錯價錢，亦都冇收到OpenRice錢呢個價錢真係好抵6粒餃子係超大粒，仲要有好多唔同味道可以揀鮑魚鮮菇豬肉個冬菇味好濃好香，仲要有少少肉汁，正香茜蓮藕魚肉個茜味唔算好濃，但食得出蓮藕嘅爽口個米線仲要超大碗，雖然剩係得豆芽同埋木耳做配料，但都好過冇，仲要落左少少麻油， 食得出佢地嘅用心但點解都攞唔到滿分呢？因為我食完之後覺得有少少口渴，應該落咗唔少味精，同住家兩個字有少少違背

想外賣，望下openrice見到有特價餐，28蚊有米線同6隻餃子，餃子可以㨂兩款，有好多口味。餃子粒粒飽滿，大大隻，味道唔錯，28蚊好抵😆👍🏼米線就正正常。

《 餃子全部都係餃子 》我對餃子嘅抗拒力可以話係零，再配上今次介紹嘅餐廳主打住家味道，我即刻手刀奔跑黎食啦。🥘 酸辣湯上海麵拼椰菜豬肉餃 $58酸辣味嘅酸茶香味十足，上海麵煮得岩岩好，口感煙韌彈牙。但如果酸辣味重啲就完美啦。而椰茶豬肉餃非常高質，水餃皮薄餡靚，椰茶十分爽脆。🥟 芝麻醬撈冷麵拼酸菜豬肉餃 $65撈麵亦選用上海麵，芝麻醬夠香配上香菇又再提升香味，抵贊係香菇仍保持濕潤易入口，正所謂醬汁夠大方入口唔會乾，個人推薦再加啲辣油，味道將提升更多。只可惜酸菜餃稍稍遜色，酸菜味道有不夠濃嘅困擾，雖然豬肉餡仍保持水準，但酸菜味更突出風話將會更好。

中午喺openrice外賣自取呢間餃子同米線。買咗兩個套餐（有餃子米線同一支豆漿），同埋三拼水餃（一盒有九隻）。套餐$58 ，水餃$28，合共$144 。今次分別試咗 蝦仁雞肉韭王餃、椰菜豬肉餃、鮑魚鮮冬菇豬肉餃、韭菜豬肉餃！首先份量方面，水餃都好大隻而且一個套餐份量都算多，兩個套餐加一盒水餃 我哋三個人食都食唔晒！味道方面，個餡夠實，皮夠薄！沾醋食好夾！除咗韭菜豬肉餃我唔太推薦之外其他都好好食，會想再食！可能因為韭菜味比較重我個人唔太鍾意，食完個口會一陣味。鮑魚鮮菇豬肉餃 呢個配搭我都係第一次食真係唔錯! 總括而言,呢間餃子店價錢相宜，味道唔錯，仲好足料添！

岩岩食左令人絕望餃子🥟餐 係openrice落單 外賣自取 ！備註寫要收據 🧾 要辣醬 轉飲咖啡 咖啡就有 問佢攞收據 幾番留難 明明俾傳菜紙 最後個男人先行出嚟print收據出黎 準備開餐 發現又俾少一個醋汁 ........去店拎返一個醋 竟說唔俾 真心覺得服務態度好L差 平時比漏咗一個醬汁去拎返覺得好平常嘅事 今日竟然覺得好似俾人侮辱咗

之前有一日行過無意間發現左呢間餃子店，佢有好多款餃子。近排試過幾款都好足料，我最中意椰菜豬肉餃，足料、包得好實，椰菜豬肉比例岩岩好，椰菜令成隻餃食落好爽口，特別推介大家要試佢個餃子醋，好特別，好夾餃子。

繼續疫情反覆要叫外賣, 所以又係OpenRice嘅外賣自取服務睇下公司附近有咩好野食先, 今次亦打算叫啲未食過嘅餐廳, 咁啱揀咗哩間近近地嘅, 叫左一個午餐A椰菜豬肉餃配上海湯麵同一個午餐B鮑魚鮮菇豬肉餃配麻醬冷麵, 兩個餐都有跟豆漿一枝, 先講講椰菜豬肉餃, 打開有6舊咁多,每隻都肥肥嘅不過個人覺得椰菜太硬無切到好碎同豬肉有少少粉紅色, (唔記得影相)唔知係咪煮得唔夠耐, 好彩食完無事嘅而味道真係比較淡好似無咩調味, 個麵湯好似有少少落左孜然粉嘅味, 怪怪地咁另外鮑魚鮮菇豬肉餃味道就比較好少少, 可能因為菇嘅味道濃啲, 但其實都係好似無咩調味咁嘅, 同埋食到最後一舊發現原來真係有粒鮑魚仔架不過粒鮑魚都係無咩味, 而成兜麻醬撈落去麵度岩岩好夠, 唔會話太少麻醬會唔夠味同埋天氣咁熱食哩個凍凍地嘅麵都幾涼爽咁整體餃子類都係少調味嘅, 可能真係佢招牌話齋住家的味道, 所以係比較健康嘅, 如果有時食得多濃味野想清清地都可以選擇哩間架

住家餃子專門店 ——————————————————————套餐 $65配是日餃子，雙拼都得～第一次食揀左韮菜豬肉同京蔥牛肉餃，韮菜餃好鮮甜，而牛肉餃既味道都濃郁，味道好新鮮🥟🥟而芝麻醬撈冷麵比一般既冷麵好味😋芝麻醬撈埋芽菜同菇好夾，食落好似好健康😹麵既質地軟硬適中，套餐加$3蚊仲可以換糖水或者椰青水😻好味指數：8.6/10抵食程度：8.4/10回頭度： 8.5/10——————————————————————📍地點：上環文咸東街6號順發樓地下6B號舖📞電話：96667958⏰營業時間：星期一至星期日 11:00-21:00

看到路邊一家餃子店，老闆在手工包餃子，其實不餓，就是想嚐嚐。點了一份包菜一份韭菜，點的不多，其實一點也不餓，就是打發時間。韭菜很鮮，煮的火候正好，嚼起來梗梗的，原滋原味。包菜的菜味也很好。肉餡不肥，吃起來不膩，不像其他餃子，都是肥油肥肉。自製面皮，手工包的。肉菜比例合適，一點都不膩。以一個北方人的口味，這是香港最地道的餃子。還有，還差40个字。有臘八醋，南方人不懂了吧。還有老乾媽辣醬，這是給南方人準備的。字數夠了。

This is the second branch of Home Dumplings in the area.The first branch is near Central with more dumplings to choose from which are on rotation.At this branch you can only choose the choices on the wall and it wasn't as exciting as my first visit to the other branch as I was faced with so many choices of sauce and different dumplings.Anyway, tried the dumpling with preserved vegetables.It was palatable and the preserved vegetables were chunky and salty.The pork had some weird chewy bits in it

是日午餐黎到上環呢間主打住家餃子既鋪頭食lunch。因為鋪仔細冇咩枱加上飯市比較旺，佢地店員連埋煮野果位先得3個人，所以都要等一陣先入得，等左約5分鐘可以入座啦！餐牌好簡單就係得餃子同少少麵食。我自己就點左B餐配是日餃子，原來是日餃子冇set死做一種，而係全部餃子都可以揀，我揀左欖菜四季豆雞肉，跟餐一碗麵之外，仲有6隻餃子，加3蚊可以加豆漿/椰青水/綠豆沙，我揀左豆漿。夏天甘熱，所以好自然就點左B餐，食冷麵加餃子。我自己點左欖菜四季豆雞肉餃，朋友點左蝦仁雞肉韮王餃，可以share黎食。先講果芝麻醬冷麵，佢加左啲大豆芽同菇，令到果層次更加豐富，成個麵超岩夏天食，好爽口。餃子方面叫得做餃子店，當然皮薄餡靚啦，啲餡料好足，不過我嫌佢烚得果皮水左啲，攤一陣先食會冇甘水，但整體好食，我試左兩隻餃，覺得蝦仁雞肉韮王餃好食啲，爽口啲。另外佢有陳醋同老乾媽辣醬俾你點餃子食，令成件事生色不少。整體黎講，雖然午市好忙，但店員其實幾有禮貌既，不過要俾啲耐性佢地，有時叫點野食等位呢啲可能會冇甘快。野食方面反而我覺得果麵係驚喜過餃子，當然餃子都好食既，會推介大家試下呢間小店。

今天來到這家在中環也有分店的餃子店，店員很親切，坐下來就送上餐牌介紹套餐。共有三個選擇，我點了最貴的B餐，有餃子一客和芝麻醬撈冷麵，煎餃要另加$3，飲品也要另外加$3，$71一個餐，不算便宜，所以我對食品質素的要求會提升。 由於我點的是煎餃子，所需時間會較長，所以也等了一段時間食物才送到枱上。先說說冷麵，味道是挺不錯的，材料有冬菇、木耳、還有一些爽脆的東西，不太清楚是什麼，猜想可能是青木瓜是吧，芝麻醬份量適中，可以掛在每一條麵條上，雖然是素麵，但味道也配搭得不錯。至於餃子方面，我點了最傳統的那種，就是豬肉韭菜餃，不過味道也太淡了，而且沒有肉汁，因為餃子裏韭菜的份量比豬肉多，所以很一般。豆漿是自創的，不是自家製作，所以不用評論了。不過這裏有生餃子賣的，如果想買回家才煮的話也可以。整體來說，食物的質素還可以吧，份量是很足夠的，我還吃剩了少許冷麵。如果想吃得健康一點的話，也不妨一試這家餃子店，冷麵和米線可以各自點一碗，但餃子可以與朋友一同分享，特別是女生。

話說好耐沒有打食記了，因為我懶，哈哈，沒有別的原因。公司最近新開了一間餃子店，於是某個午飯時間，便去踩點試下。其實近禧利街一帶也有兩間餃子店，試過覺得一般般，而這次住家餃子專門店，店如其名，味道非常住家feel。餐牌有單點、有套餐，一般都會叫套餐配麵，單點實在不夠飽肚。套餐是任選餃子+湯麵/冷麵/時菜 配飲料。這次選了set B 鮑魚鮮菇豬肉餃，芝麻醬撈冷麵，+$3椰青水。理所當然地，餃子不可能食到鮑魚味，不過餡料味道激似老媽子做的冬菇剁豬肉（蒸肉餅），不鹹，感覺健康又不難食。值得一讚，餃子皮包得挺漂亮的，但可惜食起來容易皮餡分離。天氣熱，不想吃湯麵，偷看了隔壁客人的湯麵，其實和撈冷麵的麵一樣，只是入口微冷比較開胃，配料包括：木耳、芽菜、洋蔥、冬菇，是想像中的味道。座位方面頗窄，坐得不太舒服，需要快快手食完走人。不知道是否因為新開張，店員姨姨們都很落力招呼，又好禮貌，上菜以後又會問要不要辣椒醬。整體感覺良好，可以一試。