Gustoso Burger (海都大廈) (已結業)

间唔中就想食汉堡包，天气麻麻地最啱就系拎返屋企食🙈今次叫咗佢哋嘅招牌牛堡，通常个名有埋店舖名就一定冇得输！入边有好厚一片牛肉，肉味香浓好有咬口，再加上特制的肉酱芝士、生菜、同埋蕃茄，有劲多层次嘅口感啊！！加埋个套餐会有三粒芋头波波，拎到返屋企食都仲系好香脆，食落有阵阵油炸嘢嘅香气，但系唔会好油同埋唔会觉得好热气～食完汉堡包食返啲甜甜咸咸嘅嘢就最啱。另外仲叫咗一杯伯爵茶，好似一般珍珠奶茶咁可以选择甜度，平时钟意饮无糖嘅我就最啱啦💕