日丁一保 (已結業)

有日坐的士，问司机叔叔知唔知筲箕湾那处有好味煲仔饭，司机叔叔介绍我去东大街街尾 "香港茶餐厅"。今日上openrice睇睇先知唔系大集团个间，系呢一间日本菜餐厅装修的茶餐厅。店员知我地专情来试煲仔饭，介绍我同妈妈order "招牌煲仔饭" 同 "生滚黄沙润鸡煲仔粥"。两样都好味。个煲仔饭有5样𩠌，腊肠，润肠，鸡，排骨同腊肉。样样有1至3块都几丰富。另外，啲饭焦脆脆地，好好味。个粥都好味，啲猪润好"沙", 个人喜爱猪润，所以食得好开心。跟餐有一杯中国茶及鱼汤娃娃菜，店员介绍鱼汤冇落味精，系每日用新鲜鱼煲，所以可以连汤都饮埋。妈妈试个鱼汤都话好味。最后埋单结帐总共80大元，抵食!另外，司机叔叔介绍我食萝卜牛腩煲，但同妈妈两个人食唔到咁多，唯有留番下一次。