Cafe Polarize

营业中

休息中

早左收工未食晏好肚饿，无意中揾到一间感觉好chill嘅Cafe，可能因为我平日下午茶时间去，地方好阔落，坐得好舒服，可以食嘢之余亦可以饮杯咖啡慢慢叹。主食我地食左一碟大虾意大利粉，酱汁味道有浓浓嘅虾味，最精彩系只虾有煎过，而且好大只好弹牙。再叫咗份三文治，牛肉汉堡配埋焦糖洋葱真系非常之夹，最钟意佢个包煎到好香脆，加埋芝士真系好味，食完好满足。估唔到一间小店连甜品都有，点咗一份法式西多试试，新鲜整一上枱嘅时候热辣辣，好香但唔会好甜，好香芝士同吉左酱，2者配合得好好食。另外不得不提，呢度竟然有手工咖啡卖，除咗咖啡豆，仲可以饮到即时冲泡的手工咖啡，有几款俾我拣，我呢个咖啡迷真系好开心，朋友仲饮到开心果鲜奶，佢话好香好滑。估唔到俾我地发现到一间咁出色嘅小店，下星期要再嚟试吓其他嘢。