So Bar (已結業)

又有FD到香港旅行，特登book咗so bar同佢吹水。入到餐厅，FD都几surprise,估唔到尖沙咀市中心，都有哩啲咁特别啲餐厅。Sunset，以桃味为底味，加入橙汁，蔓越莓汁等多种果汁调味，饮落好香果味同埋好清爽。Heart Beat, 好靓嘅一杯cocktail，饮落唔会好甜，西瓜味中透出淡淡酒味，好特别。烧猪颈肉，估唔到劲大一份。猪颈肉烧得好香口，预先腌制过，唔洗点酱已经好够味。今次嘅猪颈肉带咗少少肥肉，食落唔会腻不过好脆口，好食。鸡串烧拼盘（烧鸡皮，烧土匪鸡肉串，地狱麻辣鸡肉串），地狱麻辣鸡肉串真系劲辣，超过XX米线辣度5!鸡皮串用咗少少盐调味，土匪鸡肉同地狱麻辣鸡肉，用咗自家制辣酱调味，食落好惹味。油封鸭腿拼烟熏肠，鸭腿皮脆肉嫩，食落好咸香。烟熏肠真系好重烟熏味道，唔错。伴碟仲有一大碟炒杂菜同薯角。杂菜好够镬气，落咗大量蒜蓉炒制，好惹味。食完慢慢同FD吹水，仲要冇人追住买单还台，真系好chill！