影片
更多
2013-04-02
109 浏览
无论系四季𠮶间定帝苑𠮶间，我都赞到不得之了，我谂呢间应该唔会同"稻菊"差好远...点知，真系差好好好好好好远！因为复活节嘅关系，所以冇任何discount，set lunch大约$350一人，唔算平，不过因为假期预咗。我哋两个人order咗两个天妇罗set，set包括咗沙律，刺身，天妇罗，杂菜虾饼饭，甜品。另外再散叫其他嘢，不过，我最爱嘅赤贝刺身--->冇哂，咁order另一样最想食嘅蛏子铁板烧--->都冇，我已经冇心机落第三次order，是旦叫咗两个好common嘅帆立贝同牡丹虾刺身算数！落咗order唔够5分钟就开始上菜，好快手。。。可惜快过头！首先上沙律，普通生菜蕃茄捞麻酱，输极有限。 转头上埋个set嘅刺身，两件三文鱼，两件油甘鱼，一条吞拿鱼...都冇乜特别！我谂唔够3分钟，我𠮶5件刺身都未食哂，另外order嘅刺身都未嚟就已经上天妇罗... 中规中矩，个炸酱都做得好簿。本身跟一条沙锥鱼...不过我唔食，叫佢转咗D南瓜，蕃薯俾我！D天妇罗放低冇耐，就嚟埋个帆立贝同牡丹虾刺身。 个刺身都present得几靓嘅，但唔够鲜甜。只牡丹虾成只上，食起上嚟有啲论尽，终于要叫
落咗order唔够5分钟就开始上菜，好快手。。。可惜快过头！首先上沙律，普通生菜蕃茄捞麻酱，输极有限。
转头上埋个set嘅刺身，两件三文鱼，两件油甘鱼，一条吞拿鱼...都冇乜特别！我谂唔够3分钟，我𠮶5件刺身都未食哂，另外order嘅刺身都未嚟就已经上天妇罗...
中规中矩，个炸酱都做得好簿。本身跟一条沙锥鱼...不过我唔食，叫佢转咗D南瓜，蕃薯俾我！D天妇罗放低冇耐，就嚟埋个帆立贝同牡丹虾刺身。
个刺身都present得几靓嘅，但唔够鲜甜。只牡丹虾成只上，食起上嚟有啲论尽，终于要叫waiter拎去帮我切开个头！个帆立贝都好大只，不过有阵雪味！
呢两样嘢都系散叫嘅，不过不失啦...呢个时候，我个刺身食咗一半，个天妇罗食到一半，个男仔上个面鼓汤，跟住话"转头上埋个杂菜虾饼饭"。首先，我之前D嘢都未食哂，洗唔洗上得咁急？第二，如果系想番第二转枱所以上得急我都明白，但琴日个场唔full，有冇呢个必要咁赶？？？仲有，我因为想食哂生嘢先食熟嘢，所以个天妇罗其实都冻哂，而家我两样嘢都未食完你仲要上，会唔会有点儿那个？所以，我即刻stop咗佢，叫佢等我食到咁上下先再嚟！！！
呢个饭系成个餐最好味𠮶样...个杂菜饼好松脆，个汁都好味，甜甜哋～不过得两三粒虾肉！其实放假想慢慢哋，舒舒服服咁食个lunch啫...而家仲急赶过我平时要返工𠮶阵！ 讲真，呢餐两个人食咗差唔多$1500，我就算去返四季食，都系咁上下价钱咋，但食物质素，环境同服务一定比"稻"好好多啰！
题外话/补充资料：
3 hours free parking at Crown Hotel
(以上食记乃用户个人意见 , 并不代表OpenRice之观点。)
张贴
