金子半之助 (利東街)

营业中

休息中

好多人推介呢间天丼，拖咗好耐终于揾一日去食，周末过咗午餐时间都仲有唔少人。天丼款式其实唔多，而且面食只有配2款迷你天丼选择。所有套餐附味噌汤，渍物。由于都系炸物，影出嚟好似一样样😂🌟上天丼 $118🍤一个天丼有齐白身鱼、海老、小柱鱿鱼天妇罗饼、荚豌豆、海苔、温泉蛋🍤天妇罗炸好后，再淋上秘制酱汁，每件天妇罗都沾满酱汁，唔需要再加其他调味🍤秘方研制而成嘅酱汁，咸咸甜甜，而香港分店酱汁仲加咗鲣鱼花干，入口更鲜甜🍤白身鱼炸完仍然肉质弹牙，含丰富蛋白质同钙🍤份量对女仔嚟讲偏大份🍤食材上的亦加咗柚子，配搭清新柚香，解腻又开胃据Menu上嘅小秘诀，食用一半后再将炸半熟的温泉蛋戳破，令温泉蛋蛋液包住每一粒米粒。呢个食法的确令个饭更湿润，每啖都充满蛋香~总结：唔知系咪因为餐厅落场(~3pm), 天妇罗表面都比较黑同唔够脆。秘制酱汁令天妇罗有别于平时食开嘅味道，可以一试但个人觉得未到非常之好食。