潮州人粉麵店

营业中

休息中

早巳听闻未够12点都开始排队，系咪真心咁好食先😏粉面达人 @im_mstang 山长水远走过嚟揾我食晏，仲点名要试呢间店。好啦！咁你去排定队等我食饭啦☺️我都仲未出门，巳收到粉面达人通知要落咗单先？！🤯🤯🤯咩料啊？仲有8个人系前面㖞！吓得我即刻飞叮叮嚟到正街….点知都未入得🙄嗯…整体嚟讲，我哋两个都觉得一般，比较之下隔离间粉面店啱口味啲。唯一最大卖点系佢哋汤底与同区粉面店唔同，有重重嘅胡椒味，好似饮胡椒猪肚汤咁。佢哋嘅鱼皮好新鲜香脆，系比较厚身少少有咬口。而蝴蝶腩和鱼皮饺喺同区有发掘到更好的。比较败北嘅鱼片头，令粉面达人失望，佢话认知中嘅鱼片头系软滑！而我哋以为嘅「菜脯」，其实系好嘅咸梅菜干？！除非你系胡椒腔，我个人觉得要排队就可以略过。