磨坊咖啡室 (已結業)

之前2月我生日, 流沙包同我去佐Marco Polo食buffet庆祝, 呢间餐厅就系正我公司楼下, 不过我返佐两年几工都系第一次去Coffee Mill. 果度既buffet不过不失啦, 食物种类唔算好多, 无生蚝, 但有几款唔同既海鲜, 例如青口, 蓝贝, 冻蟹, 螺, 蟹脚, 虾等等. 流沙包一开始就不断消灭D海鲜, 净系螺我地两个人都消灭佐1打以上. 其他既食物都无咩特别, 例牌地会有鱼生, 冷面, 烧味, 鱼果D. 呢期buffet每人有一盅佛跳墙, 都几足料, 有鸡脚, 龙眼肉, 猪展, 鲍鱼仔等, 不过个汤好淡, 同埋好油, 唔得清. 呢度好少甜品, 如果你好钟意食甜品, 唔建议你黎呢度, 得果十款八款而已, 而且款式一D都唔吸引, 我净系食佐个豆腐花, tiramisu, 生果就算. 其他甜品仲有cheese cake, 苹果焗布甸, 朱古力慕丝之类, 普通得很.呢度每位$238, 不过流沙包系Marco Polo会员, 我地系用张free coupon食饭, 所以今餐一亳子都唔驶比, 顺便拎埋支酒同埋个蛋糕. 如果要比钱黎食, 我就觉得唔值啦...