嘉麟樓

营业中

休息中

嘉麟楼饮茶就多，食晚饭就第一次。反正今年妈妈生日谂唔到去边到食，就去间相熟既比较方便。 其实除左嘉麟楼富贵鸡要预订，其他话限量供应既即场叫一般都会有，所以都无再预留其他小菜。我地一向唔钟意叫餐，所以当晚都系散叫。我姪仔好钟意只富贵鸡，因为有得玩，可以拎住个锤仔扑碎外面层泥。 但只鸡味道普通，无惊喜。 反而夏天厨师推介有一品螺头冬瓜盅, 清清地，味道唔错。 细佬佢哋好钟意个匈牙利卷毛猪叉烧，而经理又好醒目同贴心地一早帮我地预留左一份半， 实在抵赞。 至于其他晚饭小菜可以，但唔会有太大惊喜。个人觉得都系饮茶比较好，不过如果谂唔到去边到食饭，呢度又的确系唔错嘅选择，因为环境及服务唔会令你失望。