影片
更多
2016-12-14
185 浏览
今日喺老兰 happy hour 完鬼死咁肚饿，行到落嚟经过间串烧舖传来阵阵嘅肉香，胃酸即刻涌现，心里曾经有盘算过当时运高闻唔到嘅，不过都系算吧啦，六师弟。原来呢间串烧舖同隔离新开𠮶间 Thainan chicken 系有关连嘅，唔想企喺度食嘅朋友，你大可以喺隔离餐厅，舒舒服服咁坐喺度，等侍应帮你将啲串烧拎过嚟。入到去见到个餐牌，其他食物都相当吸引，于是把心一横打电话返去俾老妈子话唔返去食。泰式酸辣凤爪沙律，一心谂住食饱梗系嗌返个沙律嚟再开一开个胃先啦，起哂骨嘅凤爪啖啖肉，个酱汁够哂酸辣，配埋新鲜嘅芫茜，葱，芹菜，萝卜丝同埋生菜丝食，集清新同酸辣于一身。大花虾，只虾有成只手板咁长，虾身中间被汤开，酿入咗绿色嘅酱料，酱料有少少似酸菜，酸酸甜甜咁好醒胃，只虾用咗上等嘅货色，一食就知道佢新鲜，虾肉弹牙得黎唔鞋唔在讲，虾头仲有大量嘅虾膏，𠮶只虾膏嘅香味绝对系要只虾够新鲜先至会有。去骨泰南鸡四分一只，个胃口俾人开哂，又想食海南鸡又想食炒饭咁点算呢？就系嗌四分一只海南鸡再加个炒饭喇，泰南鸡啲鸡肉充满鸡味，嫩滑无比，再点小小甜豉油将个鸡味吊出嚟，四分一只鸡话咁快清哂。泰式串烧配炒饭及杂菜，呢个组合正
今日喺老兰 happy hour 完鬼死咁肚饿，行到落嚟经过间串烧舖传来阵阵嘅肉香，胃酸即刻涌现，心里曾经有盘算过当时运高闻唔到嘅，不过都系算吧啦，六师弟。
原来呢间串烧舖同隔离新开𠮶间 Thainan chicken 系有关连嘅，唔想企喺度食嘅朋友，你大可以喺隔离餐厅，舒舒服服咁坐喺度，等侍应帮你将啲串烧拎过嚟。
入到去见到个餐牌，其他食物都相当吸引，于是把心一横打电话返去俾老妈子话唔返去食。
泰式酸辣凤爪沙律，一心谂住食饱梗系嗌返个沙律嚟再开一开个胃先啦，起哂骨嘅凤爪啖啖肉，个酱汁够哂酸辣，配埋新鲜嘅芫茜，葱，芹菜，萝卜丝同埋生菜丝食，集清新同酸辣于一身。
大花虾，只虾有成只手板咁长，虾身中间被汤开，酿入咗绿色嘅酱料，酱料有少少似酸菜，酸酸甜甜咁好醒胃，只虾用咗上等嘅货色，一食就知道佢新鲜，虾肉弹牙得黎唔鞋唔在讲，虾头仲有大量嘅虾膏，𠮶只虾膏嘅香味绝对系要只虾够新鲜先至会有。
去骨泰南鸡四分一只，个胃口俾人开哂，又想食海南鸡又想食炒饭咁点算呢？就系嗌四分一只海南鸡再加个炒饭喇，泰南鸡啲鸡肉充满鸡味，嫩滑无比，再点小小甜豉油将个鸡味吊出嚟，四分一只鸡话咁快清哂。
泰式串烧配炒饭及杂菜，呢个组合正啊，又可以食串烧又可以食炒饭，一次过满足哂两个愿望，串烧有猪牛鸡各一串，串鸡嘅嫩滑程度真系可以媲美个泰南鸡架，做串烧可以烧得咁滑，认真抵赞，而串牛肉亦都完全冇筋，仲充满牛味添，劲钟意佢串烧底下𠮶啲椰菜，可以有啲菜食下，无咁觉得油腻，而个炒饭入面混和咗好多我至爱嘅葱粒，令到成个饭都够哂香口。睇黎下次再去老兰 happy hour 之前都可以叫定妈子留饭听日带 lu 。
张贴
