影片
更多
2013-11-28
15 浏览
年中盛夏嚟过一次Spade by Lassana，当时店子主打售卖法式雪糕、自家烘焙嘅咖啡，以及酥饼、精致嘅甜点，同埋多款特色三文治……等等，简单嚟讲，就以轻食为主。据店主讲，稍后12月初将晌荔枝角区开新分店，因应客源，介时会以多款主食套餐为主打，所以依家先行晌度提早推出套餐，试试水温兼吸纳一下客人意见，以便作出适当调整，务求新店嘅出品更令客人满意。所以，今晚跟食友获邀嚟到，查实喺试菜俾意见多过嚟试食！上次嚟眼见个餐牌做得较简陋，今次重遇，新簇鲜红色嘅餐牌，感觉夺目醒神，餐牌内分为Lassana Toast、Lassana IceCream、Signature Dessert、Lassana Waffle、Lassana Parfait、Lassana Chillers、咖啡、花茶及旧有嘅All Day Set。比起旧有餐牌，种类分得更清晰，内容更仔细，而图片更吸引，可见店方晌餐牌上都作出不少改进。温故完就需要知新，全新推出嘅Meal Set套餐，提供一系列意粉及汉堡包类产品，单点包括：鲜虾通粉配龙虾汁（$74）、迷你蟹肉牛肉黑白汉堡（$70）、黑松露通粉（$72）、红酒烩牛尾（$68
上次嚟眼见个餐牌做得较简陋，今次重遇，新簇鲜红色嘅餐牌，感觉夺目醒神，餐牌内分为Lassana Toast、Lassana IceCream、Signature Dessert、Lassana Waffle、Lassana Parfait、Lassana Chillers、咖啡、花茶及旧有嘅All Day Set。比起旧有餐牌，种类分得更清晰，内容更仔细，而图片更吸引，可见店方晌餐牌上都作出不少改进。
温故完就需要知新，全新推出嘅Meal Set套餐，提供一系列意粉及汉堡包类产品，单点包括：鲜虾通粉配龙虾汁（$74）、迷你蟹肉牛肉黑白汉堡（$70）、黑松露通粉（$72）、红酒烩牛尾（$68）、肉酱千层面（$62）、卡邦尼忌廉汁吸管面（$64）共6款，每日12:00pm-2:00pm及6:00pm-10:00pm供应。既然喺套餐，自然可以加钱升级，升级选项有餐饮、餐汤及炒雪糕，收费为+$20可选1项，+35可选2项，而+$45可选齐3项，无加一小费，所以，主菜另要齐3项成为4道菜晚餐，都只喺$107-$119，已经喺既有质素又丰富嘅一餐，旺角区计，相当抵食。
忌廉蕃茄汤色泽鲜橙嘅忌廉蕃茄汤，蕃茄味非常浓郁，酸香醒胃，如果减低少少酸度就更称心，质感稍稍稀咗啲啲，但入口仍然滑溜。意见反映咗，相信下次再试会更好！
鲜虾通粉配龙虾汁 $74（单点价）以上新出嘅套餐，部份食材都会晌工场做成半制品，就以依道通粉为理，个龙虾汁以龙虾头、虾壳预先熬制，为保鲜味仲会早一转，晏一转做好送出店舖，嚟到店舖有单时再加工，现场即点即煮。通粉质感恰好，龙虾汁挂匀每粒通粉，所以啖啖充满龙虾味，内藏唔少鲜虾肉，食落几鲜爽。因为喺试食关系，正式个卖相会好似以下几款，以小碗盛载，伴有少少沙律菜及法包。
黑松露通粉 $72（单点价）第二道喺黑松露通粉，可以讲其貌不扬，但实际喺真人不露相，同样即叫即做，黑松露香味非常突出，酱汁柔滑，净食个通粉都可以令人回味，但加埋咸火腿粒就更加一流，原来烚通粉喺用上鸡汤，所以真喺咸香有层次。咪以为佢得𠮶一碗仔份量，食起嚟都唔少，因为个碗胜在够深，同埋咁嘅卖相又几别致。跟通粉仲有3片蒜蓉包，新鲜烘焗，咬落好松脆，又带有香草及蒜香，好食！
红酒烩牛尾 $68（单点价）据介绍，烩牛尾又喺晌工场预先做好，真空包装后送到店面，遇有落单就即时翻热。一盅牛尾约有4-5件，堆到一碗满满，牛尾主要以蕃茄、洋葱、甘笋、红酒烩煮，充满蕃茄香，肉质又极之软腍，而且好入味，真喺有啲意外惊喜。因为碗底都剩番几多酱汁，揾蒜蓉包沾埋啲酱汁就更正斗，不过，温馨提示，剩余嘅酱汁比较油，所以不宜沾太多，亦反映咗俾店主知可唔可以隔隔啲油，可能挑剔咗少少，但可以令食客食得更安心、更尽情。
迷你蟹肉牛肉黑白汉堡 $70（单点价）迷你汉堡，的骰可爱，若非早前麦记已推出过黑包配白芝麻，白包配黑芝麻，相信一黑一白汉堡会几有话题性。白汉堡配以芝士、手刴本地牛肉、蕃茄及生菜，较为平实，包面脆，但包身有啲干，还好喺件汉堡牛肉做得不俗，松化富肉味；相反，黑汉堡以沙律酱、蟹肉饼、蕃茄及生菜为配搭，蟹肉饼口感唔错，好松软，好有蟹肉味！
此外，肉酱千层面嘅肉酱由工场预制，而卡邦尼忌廉汁吸管面嘅面条都颇特别，有机会都要试一试先。主菜食过以后，一场嚟到Lassana真喺唔可以错过佢啲甜品啰，就算我哋食得几饱吓，一样可以为甜品撑到底。曲奇妙趣窝夫 $58
估唔到原来我哋真喺几大食，仲可以有位顶埋个窝夫，点解咁讲，因为窝夫个实都唔细，食起口嚟都还算松脆，不过就较有蛋香，据介绍原来用上湖北蛋，蛋味较浓。再加入Oreo饼干、原味及芝麻味海绵蛋糕粒、鲜忌廉、两球雪糕，几款材料随个人喜好混合嚟食，别有一番滋味！
心太软 $48虽然个朱古力蛋糕嘅流心效果唔算好澎湃，但至少都做到有朱古力浆嘅涌流，况且，个蛋糕带有重重浓香嘅朱古力味，再配衬上以85%朱古力所做嘅雪糕，两者混和一起食，除有冰火嘅感觉之外，浓郁嘅朱古力味真喺化不开。题外话，碟中以红莓及蓝莓做装饰，刻意嘅排列睇出店员晌细节上都有花上心思。
饮品方面，友人就点咗一杯特色冻饮（Lassana Chillers）试试，而小弟呢？都喺钟情佢啲咖啡多啲。巨峰飘浮梳打 $38
Lassana Chillers分咗4类：特色沙冰、飘浮梳打、特色梳打及冻柠荼，前3者都有唔同味道选择，就好似友人所拣嘅飘浮梳打，有巨峰、荔枝、奇异果、草莓、芒果。将大大球杂莓雪糕放入冰透梳打水中，做出飘浮效果，卖相吸引。而巨峰糖浆沉于杯底，所以要先搅匀再饮，听佢分享，话杯梳打冰凉透心，甜度适中，巨峰糖浆所带出嘅提子味颇真实，的确好饮。
鲜奶咖啡 $28（中杯） / $32（大杯）自从上次晌Express Bar by Lassana跟店主之一Tracy学拉花及一些咖啡知识后，饮Latte唔再单单睇佢拉花靓唔靓、复唔复杂、味道香唔香、滑唔滑。眼前杯鲜奶咖啡卖相真喺一流，拉只凤凰真喺唔易，既复杂，又拉得优雅，要留意喺凤冠最后喺对番杯身嘅餐厅商标，以前我就会以为喺咖啡师「符碌」做到，查实原来喺刻意拉成咁。此外，落奶嘅手势相当好，因为小弟无加糖，无搅过，饮落去就可以感觉到咖啡跟奶泡冲嘅时候已经做出均匀嘅口感，加上柔滑香醇，好满意！
整体而言，几款新餐味道不俗，价钱都好合理，而甜品、咖啡跟对上一次比较，质素绝对保持到水准，其实，环顾入座率及翻枱速度，相信佢哋已做出一定嘅成绩，食客对其出品都有个肯定。睇见一群年青店员殷勤工作，敬业乐业，令气氛都轻松啲，希望佢哋都继续努力，唔单食物，服务都做得更好，让客人都食得开心惬意。小弟家住美孚，过嚟荔枝角真喺行都行得到，所以，好期待新分店嘅开张。
张贴
