Castello 4 (已搬遷) 新店位置

早几日姊妹们问我有冇兴趣去浪漫下，哈哈哈...有得玩我当然有兴趣，所以就出左铜锣湾一转，又嚟放松一下啦~一打开电梯门，真系哗左一声，咁有情调呀~ 先嚟一杯士多啤梨味Cocktail，棉花糖包住个杯，真系梦幻感觉呀~八爪鱼沙律，八爪鱼软身不韧，一再配以黑醋拌匀沙律菜，好味又开胃呀~炸蘑菇(其实个名我唔记得，请容许我帮佢改依个名啦)，口感都几特别~日式海鲜意大利饭，单睇个卖相都好吸引，原来搅搅下就会变晒色，味道都唔错，如果可以干身多少少就应该更加好味~ 大虾意粉，啲虾肉都算几弹牙，个酱汁配埋个意粉都几入味~黑醋低温慢煮烧春鸡，第一次食黑醋配鸡嚟食，原来两者又几夹，再加上鸡肉都好嫩身，真系几好食。值得一提就系啲配菜，佢烤焗得都好入味呀~最后当然唔少得甜品时间，又嚟我至爱Apple Crumble，焗得都好松化酥脆~食饱饱之余大家又有倾有讲，相信全场最嘈都系我地依一张枱，不过......女仕们就系咁啦...哈哈哈，开开心心又过左一个晚上，充满电又可以返去做返个好妈妈啦！