天然豚骨拉麵專門店一蘭

营业中

休息中

冇得去日本呢三年，错过咗尝试好多日本唔同地方既拉面，所以，呢几年都系喺香港食「港式风味」嘅日本拉面。坦白讲，香港有好多拉面店都系好麻麻，但亦有唔少嘅拉面店，有日本当地拉面嘅水准。就系一个风雨交加后夜晚，晌铜记行到好攰我，就行咗去一兰食拉面。香港嘅一兰，依旧要排队，依旧只能食佢𠮶种独沽一味嘅汤底。$98 一碗（未计加一，一碗default setting ge ramen其实埋单要$108）冇乜配料既拉面其实系有啲贵，但一兰嘅汤底，𠮶个简单而富有层次嘅味道，正正就系一兰拉面嘅招牌。你可以话，呢$98系买一碗QC做得非常之好嘅拉面，而久别重逢香港既一兰拉面，都有 keep住日本一兰拉面嘅味道，能够做到呢点已经好好啦。佢呢一个独特嘅辣汁喺第二间拉面店食唔到嘅，本人就唔钟意啲味道太过浓郁嘅拉面，一兰介乎于味浓同味淡之间，而控制呢一个浓淡度口感既窍门，就系取决于呢一个辣汁，呢个我相信亦系一栏最成功嘅地方，能够做到不同口味嘅人都中意食一兰煮既面。我相信呢一个就系一兰拉面喺第二间拉面店食唔到嘅重要原因。