影片
更多
2023-05-07
601 浏览
下个礼拜日就系妈妈节，我呢啲识做嘅老公梗系早啲同老婆大人食咗妈妈节饭先啦！唔使同人迫食得舒服啲吖嘛！屋企人多食中菜系不二之选，老婆大人就拣咗间位置好鬼方便嘅大公馆，呢度喺荔枝角地铁站一出唔使5分钟就到，同埋老人家小朋友一齐嚟都好方便。我第一次嚟觉得都几鬼正环境优雅而且地方好大，枱同枱嘅空间亦都好够大家都知道我鬼咁论尽地方大好紧要㗎。第一道菜老婆大人见到开心到飞起因为啱晒去打卡用吖嘛！呢个就系母亲节套餐中嘅前菜清香柚子冻鲍鱼。等老婆大人影完靓相之后即刻放入口食，鲍鱼好软熟加埋啲酸酸香香嘅柚子味好鬼开胃㖞。呢一个整到鬼咁靓仔嘅系话梅铁棍淮山，以前我唔钟意食淮山㗎！自从我早几年整牙老婆大人用淮山煲粥俾我食，先发觉原来新鲜淮山好鬼好食，而且仲要健脾开胃系好有益嘅食物嚟㗎！呢个用咗话梅嚟整嘅淮山爽口又好味正啊喂。跟住呢个川味口水竹丝鸡当然系为老婆大人叫㗎喇！口水鸡食得多用竹丝鸡嚟整真系第一次食，口水汁对我嚟讲有啲辣！但系老婆大人就食得好开心。我都系食返啲清爽嘅菜式呢个叫做麻香莴荀，莴笋够晒爽口净系带少少花椒嘅麻味，清爽好食又唔辣啱晒我。不过讲到啱食就非呢一个金甲脆鱼皮莫属，鱼皮香口又脆口加埋啲咸
屋企人多食中菜系不二之选，老婆大人就拣咗间位置好鬼方便嘅大公馆，呢度喺荔枝角地铁站一出唔使5分钟就到，同埋老人家小朋友一齐嚟都好方便。
我第一次嚟觉得都几鬼正环境优雅而且地方好大，枱同枱嘅空间亦都好够大家都知道我鬼咁论尽地方大好紧要㗎。
第一道菜老婆大人见到开心到飞起因为啱晒去打卡用吖嘛！呢个就系母亲节套餐中嘅前菜清香柚子冻鲍鱼。
等老婆大人影完靓相之后即刻放入口食，鲍鱼好软熟加埋啲酸酸香香嘅柚子味好鬼开胃㖞。
呢一个整到鬼咁靓仔嘅系话梅铁棍淮山，以前我唔钟意食淮山㗎！自从我早几年整牙老婆大人用淮山煲粥俾我食，先发觉原来新鲜淮山好鬼好食，而且仲要健脾开胃系好有益嘅食物嚟㗎！呢个用咗话梅嚟整嘅淮山爽口又好味正啊喂。
跟住呢个川味口水竹丝鸡当然系为老婆大人叫㗎喇！口水鸡食得多用竹丝鸡嚟整真系第一次食，口水汁对我嚟讲有啲辣！但系老婆大人就食得好开心。
我都系食返啲清爽嘅菜式呢个叫做麻香莴荀，莴笋够晒爽口净系带少少花椒嘅麻味，清爽好食又唔辣啱晒我。
不过讲到啱食就非呢一个金甲脆鱼皮莫属，鱼皮香口又脆口加埋啲咸蛋黄真系正到无伦呀。
食咗几个前菜之后嚟一碗家乡生拆鱼茸羹，我老婆大人整鱼茸羹系一绝，但呢度嘅师傅整出嚟都好唔错㖞。
个汤奶白色好有鱼香味，加啲薄脆落去一齐食系吸引嘅。
再嚟一个香口嘢呢个系三色藜麦金沙虾球，我记得老婆大人减肥𠮶阵就最钟意食藜麦知道系健康嘢！今次师傅加咗落去邪恶弹牙嘅金沙虾球上面又好鬼衬㖞！唔觉唔觉就食咗啲健康食物落肚。
然后呢个西班牙火腿金芙蓉蒸星斑球就好得到老婆大人嘅欢心，嚿鱼蒸得好嫩口上面𠮶件原来系西班牙火腿，食落去咸咸香香味道都几有层次，我就最钟意下面个蒸蛋有啲酒味食到我舔舔脷，唔怪得知要放喺母亲节套餐入面啦。
食中菜叫鸡是常识吧！呢一只脆米蒜香鸡都系母亲节套餐嘅菜，香口嘅鸡皮加咗脆米食落去脆卜卜好鬼爽，加埋有蒜香嘅味道呢只鸡我钟意食啊。
嚟到老婆大人最钟意食嘅菜菜，佢拣咗呢个豆浆杞子鲜黑腐竹浸时蔬，同拣我一样拣到正嘢㖞哈哈！有好香豆味嘅黑腐竹仲有又淋又甜嘅津白，好味到个个都争住食呢碟正菜啊。
大食嘅我梗系要个单尾炒饭先满足啦！呢个金瑶樱花虾蛋白炒饭分量好鬼大，炒饭煮得粒粒分明好干爽，加埋樱花虾、瑶柱嘅香味队两碗系平常事啦。
甜品系怀旧芝麻卷同埋金箔清心柚子糕，两款都好食但系我就钟意芝麻卷多啲。
母亲节康乃馨套餐会做到14号，想食嘅朋友就要快啲订枱喇。大公馆
电话 : 27438055
地址：荔枝角长义街9号D2 Place 1期10楼A号舖
张贴
