影片
更多
4天前
0 浏览
呢间中式餐厅开咗两个月左右，美丽华旗下嘅，喺间细细嘅精品酒店里面。今日系平日嚟嘅，估唔到夜晚都几多食客，席间仲听到其他客人讲话前排有某长辈名人都有帮衬，虽然新开似乎都有一定名气。呢度都有唔少招牌菜，例如佛跳墙，呢度嘅佛跳墙真系用料丰富，个海参厚身到吓亲我，仲有花胶又系大大片，里面有鲍鱼同埋鱼翅，富贵气派十足。另外拔丝咕噜肉都好出色，当然同大排档嘅有好大分别，食得出系用靓猪肉，用薄粉浆炸，另外配炸咗嘅油炸鬼，代替返个脆脆口感，咁样食又几得意㖞。蟹黄煎带子我都非常欣赏，带子系刺身级，轻轻煎咗已经好好食，个蟹黄都好鲜味，另外个大虾蒸蛋超滑溜，一夜麒麟鱼都系招牌菜，个鱼鳞啱啱好唔会太硬但刚刚脆口，鱼肉依然鲜嫩，加埋必须要嘅蒸鱼豉油同葱，呢啲喺屋企一定整唔到！值得一提系佢嘅上菜碟全部都系暖笠笠，酒店水平嘅服务，人参乌龙茶都系靓茶叶，冇乜嘢挑剔。呢度仲坐得又舒服，口味好适合长辈，𩠌菜又够高级，入咗落我个孝敬阿妈系列餐厅list！
呢度都有唔少招牌菜，例如佛跳墙，呢度嘅佛跳墙真系用料丰富，个海参厚身到吓亲我，仲有花胶又系大大片，里面有鲍鱼同埋鱼翅，富贵气派十足。
另外拔丝咕噜肉都好出色，当然同大排档嘅有好大分别，食得出系用靓猪肉，用薄粉浆炸，另外配炸咗嘅油炸鬼，代替返个脆脆口感，咁样食又几得意㖞。
蟹黄煎带子我都非常欣赏，带子系刺身级，轻轻煎咗已经好好食，个蟹黄都好鲜味，另外个大虾蒸蛋超滑溜，一夜麒麟鱼都系招牌菜，个鱼鳞啱啱好唔会太硬但刚刚脆口，鱼肉依然鲜嫩，加埋必须要嘅蒸鱼豉油同葱，呢啲喺屋企一定整唔到！
值得一提系佢嘅上菜碟全部都系暖笠笠，酒店水平嘅服务，人参乌龙茶都系靓茶叶，冇乜嘢挑剔。
呢度仲坐得又舒服，口味好适合长辈，𩠌菜又够高级，入咗落我个孝敬阿妈系列餐厅list！
张贴
