牛摩+ (上水廣場) (已結業)

原来上水广场楼上而家有一层装修咗,全部都系食肆~所以今次嚟试下牛摩嘅打边炉放题~因为呢度可以一人一锅~所以啱晒我呢啲孤独精~想要食火锅放题时,唔想约人都可以自己一条友嚟食~拣咗美国特级牛肉,汤底就拣咗寿喜烧同鲣鱼汤底~寿喜烧同牛肉真系好夹,但系如果唔想吸收咁多糖份嘅朋友都系拣其他汤底比较好~一开始时会俾一份牛肉一份猪肉同一份鸡肉你~因为都好薄,所以非常快熟~牛肉睇落都几靓,有啲肥油但又唔太肥~食落口都有牛肉香味~而且上台时仲系好硬身,唔系话放咗好耐融晒雪咁~猪肉嘅肉质都比想像中嫩滑~所以后来都encore咗好多次~值得一赞嘅系,呢啲肉类系上网加单~而每次加单都系极速几分钟内就会上台~所以唔使担心要等好耐而一早叫定几份~可以真系食完一碟先再叫另一碟~呢度仲有大大个饮品柜,有各式饮品俾你拣~唔喜欢的话,旁边仲有个沙冰机可以试下~随咗网上加单嘅肉类,佢仲有好多菜同埋丸类可以试~佢嘅丸类感觉一般,所以可以真系主攻牛肉同猪肉~而菜嘅款式都好多,唔使净系食肉咁腻~佢仲有一啲甜品,例如泡芙同小蛋糕~所以以200蚊左右一位嚟讲,性价比真系几好~见佢加26蚊仲可以有任点海鲜~其实都几吸引,不过90分钟比