甘味處鎌倉 (希慎廣場)

营业中

休息中

九月中但係仍然炎熱，趁住週末行街經過嘆下刨冰chill下。 🍵宇治金時刨冰刨冰份量都唔少，2個人食都好足夠， 刨冰做得好細緻，好似雪花咁輕盈，入口溶化，非常清爽。冰以新鮮嘅生牛奶口做基底，口感滑順，淋滿抹茶糖漿，中間加入配料，包括紅豆同白玉等等，幾有日本地道風味，有啲似我之前喺日本食過嘅。 🍋抹茶檸檬蕨餅結合咗濃郁嘅抹茶同清新嘅檸檬 ，飲落帶有苦澀回甘，同時微微酸味，唔會越飲越淡。底部細細粒嘅蕨餅煙韌軟糯，有咬口。