SohoWay (已結業)

不知何年何月，星期日都会食BRUNCH，其实唔少地方都有BRUNCH食，食物黎黎去去都系果堆野，食物既水准都系想像得到，其实心目中已经有好几间好选择，不过都仲系会周围试，都系期待有更好既发现，今次就试左呢到，不过真系完全不是那回事，又分享下。两个人，一份要All day Breaskfast，一份要Fish & Chips。All day breakfast，炒蛋，快餐店的也比这个好，可能这里少了点味，而滑既感觉同蛋味也欠奉，是可以做得更好的炒蛋。肠仔同烟肉都是煎香就上碟，茄汁豆是罐头货色，仲有几旧小生果。中环附近好多地方都有All day breakfast食，这里好似少左点诚意，人家卖贵几十蚊，确系有原因。炸鱼薯条，鱼系即炸起，有香脆既感觉，不过鱼系无味的，再加上同薯角一样既SIZE，卖相有点茶记FEEL。薯角就腍腍地，食落就真系麻麻地。咖啡，唔够热，有点涩。蜜糖茶，味道略为淡左D。附近真系好多选择，这里真系唔系我杯茶。