Cafe 103

营业中

休息中

其实之前都有黎过呢间餐厅食Tea同其他野，一路感觉都唔错，点知今次系超级失望呀...佢既Tea Set同普通出面一样都包咸甜点，不过真系好耐都未食过啲咁难食嘅咸点，其中一款我系食完就有想即刻呕出嚟嘅感觉。甜点就正常d啦，都系一般同出边一样偏甜㗎啦。最最最搞唔掂嘅系佢连最基本𠮶个Scones都整得好难食，如果唔系佢哋服务好好，Staff个d都好friendly又有礼貌，又一开始就送左杯好浓又几好饮既热朱古力比我哋，我系会真心想投诉佢哋既厨...完全唔靓，冇咩兴趣影价钱又贵，又唔好食，摆盘又唔靓正常一般人出去食Tea，其实都系为咗影相，可惜嘅系佢嘅摆设又唔系话特别靓，我影咗两张已经唔想影，其实唔系为咗写食评我应该唔会影。总括嚟讲，个Tea简直系垃圾，价钱又唔系抵食，除非你想试吓啲嘢有几难食，如果唔系完全唔需要试。不过如果单纯想倾吓计又贪佢个环境几好服务又OK嘅话都可以嚟嘅。