豊勝手丼 (已搬遷) 新店位置

今日去咗铜锣湾食晏，同事请客，因为早排我帮佢做咗啲野，佢带咗我去谢斐道横街一间细细间的店，食日本丼，原来北海道钏路兴食呢款自己拣鱼生嘅饭，呢间店就系做咁样的形式，布置似足鱼市场，木牌刻上所有刺身的名字，不过我哋就懒得自己组合，拣咗餐牌上已经配好嘅套餐。我食7号馥之丼，材料是吞拿鱼蓉加黑松露火炙带子，套餐包汤沙律同埋饭。估唔到真系好足料，有成六只好大只嘅带子，煎到半生熟，两面煎香中间保持生嫩，吞拿鱼茸都唔少送饭够晒𩠌。另外前菜好似系鱿鱼腌得好好味，沙律用中华汁，米饭用日本米，仲有一样值得提，就系啲吞拿鱼茸饭里面有白饭鱼。这个丼卖$238，真系好正。