里木

营业中

休息中

𠮶日经过尖沙咀，发现一家餐厅大排长龙，就带住好奇心去𠮶边睇一下餐单，原来系一家食Omakase嘅餐厅，反正我未食过Omakase，就决定喺呢度食晚餐。由于我一个人食，唔需要等好耐就可以入座。我点咗夏の海胆奢华体验，食物种类繁多，每款都系真材实料，真心推介。 前菜有日本牡蛎同鱼子酱一罐，牡蛎味道十分浓郁，鲜甜有劲，一食就上瘾。鱼子酱颗粒粒粒饱满，食起嚟一啲都唔咸唔腥，口感非常细腻，拥有丰富嘅层次感。 刺身有爱知县白象拔蚌同北海道立贝配冲绳水云，白象拔蚌嘅味道清甜脆，无需任何调味料，鲜味十足。北海道立贝清甜好滋味，肉身厚实，口感丰富，再食冲绳水云以清洗口腔。 之后食咗烧物炭烧帆立贝海胆汉堡，非常神奇嘅汉堡，汉堡入面布满咗海胆，味道浓郁，口感细腻，散发住令人陶醉嘅香气。之后饮咗松叶蟹鸡汤配海胆，汤底味道清鲜透亮，鸡鲜味十足，配上松叶蟹肉同海胆，成个口感层次更上一层楼。 之后仲有寿司同和牛海胆热狗同岩手县石垣贝寿司，A4和牛肉质鲜嫩多汁，石垣贝寿司相当鲜甜，非常爽口，作为结尾简直完美无瑕。