幻 (已結業)

呢日一早订左枱黎到呢间幻食铁板烧庆祝生日! 知道呢间餐厅系MIRROR 成员开个阵我就好想黎试! 终于俾我等到有重大日子同埋又book 到位! 我地今日食左幻铁板烧餐, 呢个餐系$1780一人, 佢仲做紧优惠, 晚市铁板龙虾加$1有一只! 冇理由唔加啦~ 呢个餐相当之丰富, 一黎个头盘就系无花果蕃茄冰菜, 伴随住芝麻酱, 一黎就打开左我既味蕾! 厨师都好好咁同我地介绍左今日既食材! 只南非鲍鱼劲新鲜仲郁紧! 只虾劲大劲弹牙! 跟住之后都系头盘既小棠菜松叶蟹肉, 松叶蟹既清香真系令人好回味! 跟住就系剌身, 分别系鲷鱼、甜虾同埋海胆, 佢既海胆食落系有少少芒果味, 好特别!海胆又够哂鲜甜, 真系好味! 之后就系铁板烧带子, 带子烧得岩岩好, 一D都冇overcook! 配上黑松露酱,真系好夹好好味, 松露酱唔会抢左带子D味! 盐烧螺肉就超鲜甜~ 贝都系好鲜味, 佢所有海鲜基本上都好鲜甜, 加埋厨师特制既酱汁就更加将成道菜提升左! 然后就系金目鲷, 呢个金目鲷煎到鱼鳞都够哂脆, 可以食埋!配埋个汁又系一流! 下一味就系劲大只虾, 食落啖啖肉又够弹牙, 真系好新鲜! 然后就系南非鲍鱼! 又系