GR8 (已結業)

呢日同朋友黎到澳南呢边觅食，见到呢间GR8都好似唔错，咁所以就入咗嚟睇睇，见餐牌上面嘅嘢都好啱食，所以我哋就拣咗呢度！因为平日嘅关系同埋我哋早，餐厅都唔算太多人，我哋可以拣自己想坐嘅位慢慢叹，我哋睇完餐牌之后就自己出去落单，我哋叫咗个二人餐，叫咗一个温泉蛋烧肉汁牛扒 丼饭、一个beef all day breakfast, 其实两款main course嘅牛都好相似，一样咁好食！小食我哋就要咗薯条！饮咗一杯Cappuccino同一杯mocha~ 首先讲吓丼饭，个丼饭真系几好食，温泉蛋绝对系画龙点睛，笃爆咗只蛋将啲蛋汁捞埋啲牛，同埋啲饭到一啖咁样食，真系好享受，我都忍唔住系咁扒饭！至于个all day breakfast亦都系水准之作！配埋太大块烟肉，牛角包，好滑嘅炒蛋，仲有忌廉蟹肉饼，真系好丰富！令人食到唔想停！呢个二人餐仲有汤同沙律可以拣，我哋就每人要咗一样，汤够晒Creamy沙律够晒新鲜！嘢饮都好靓同埋好好饮，平日晚上来S食真系够晒chill!最后仲用左好好食既brownie作结！完美！