影片
更多
2025-02-09
148 浏览
上年老公生日食过觉得几好味，所以今年又返嚟回味下牛魔王就梗系叫和牛盛宴，估唔到今年味道同用料都升咗level！先嚟前菜5品盛，店员介绍返每样系啲咩，然后介绍埋食嘅顺序。净系靓靓摆盘已经赏心悦目，由青梅冻同番茄开始清清个口先，𩽾𩾌鱼肝甘香绵滑，再去到松脆嘅牛肉松盒、香脆嘅和牛多士，每一样都好似轻轻同味蕾热咗个身咁，如果再配返支香槟或者sparkling 就一流喇！然后系A5和牛肩胛肉刺身，伴黑松露及鱼子酱。黑松露唔系酱而系即刻喺你面前一片片咁批落嚟，食之前已经闻到好香！本来我觉得油分多嘅肉系要烧到香口先好食，但估唔到俾呢个配搭下嘅和牛惊艳到我！和牛软滑嘅油脂香、加上鱼子嘅咸香、再加埋松露嘅菌香，真系非常出色！然后系和牛紫菜脆饼，旧年都有，一食惊为天人。虽然今次天人去咗刺身度，但呢个脆饼仍然劲正，鱼子酱、山葵、海胆、和牛、饭同紫菜，有无得再夹啲？🤤然后回归基本嘅煎和牛柳，用靓靓嘅和式器皿装住，牛脂香即刻出晒嚟，配搭旁边蒜片荞头青椒仔食用又即刻无咁漏。跟住落嚟上嘅牛肋骨辛香煮味道开始加重，甜甜地，少少刺激，牛同配菜都炆得好冧，好入味跟住嘅炙烧内裙烧得香口，口落非常好肉味，斋食已经好好jap，
牛魔王就梗系叫和牛盛宴，估唔到今年味道同用料都升咗level！
先嚟前菜5品盛，店员介绍返每样系啲咩，然后介绍埋食嘅顺序。净系靓靓摆盘已经赏心悦目，由青梅冻同番茄开始清清个口先，𩽾𩾌鱼肝甘香绵滑，再去到松脆嘅牛肉松盒、香脆嘅和牛多士，每一样都好似轻轻同味蕾热咗个身咁，如果再配返支香槟或者sparkling 就一流喇！
和牛盛宴·季节前菜五品盛
0 浏览
1 赞好
0 留言
然后系A5和牛肩胛肉刺身，伴黑松露及鱼子酱。黑松露唔系酱而系即刻喺你面前一片片咁批落嚟，食之前已经闻到好香！本来我觉得油分多嘅肉系要烧到香口先好食，但估唔到俾呢个配搭下嘅和牛惊艳到我！和牛软滑嘅油脂香、加上鱼子嘅咸香、再加埋松露嘅菌香，真系非常出色！
和牛盛宴·A5和牛肩胛、黑松露、鱼子酱
6 浏览
1 赞好
0 留言
然后系和牛紫菜脆饼，旧年都有，一食惊为天人。虽然今次天人去咗刺身度，但呢个脆饼仍然劲正，鱼子酱、山葵、海胆、和牛、饭同紫菜，有无得再夹啲？🤤
和牛盛宴·A5和牛紫菜腰脊脆饼
0 浏览
1 赞好
0 留言
然后回归基本嘅煎和牛柳，用靓靓嘅和式器皿装住，牛脂香即刻出晒嚟，配搭旁边蒜片荞头青椒仔食用又即刻无咁漏。
和牛盛宴·香煎A5和牛柳
0 浏览
1 赞好
0 留言
跟住落嚟上嘅牛肋骨辛香煮味道开始加重，甜甜地，少少刺激，牛同配菜都炆得好冧，好入味
和牛盛宴·A5和牛牛肋肉辛香煮
0 浏览
1 赞好
0 留言
跟住嘅炙烧内裙烧得香口，口落非常好肉味，斋食已经好好jap，配搭黑醋汁又系另一个境界。
和牛盛宴·炙热A5和牛内裙
0 浏览
1 赞好
0 留言
最后大佬嚟喇！寿喜烧和牛，会有一块西冷同一块肉眼，好似块面咁大，呢个时候都已经八成饱，真系有啲心虚唔知食唔食得晒。
和牛盛宴·寿喜烧：A5和牛西冷、肉眼
0 浏览
1 赞好
0 留言
可以拣跟稻庭乌冬定饭，两样都系好值得一试，但要舔尽寿喜烧个汁就一定系拣饭，何况饭仲跟渍物同面鼓汤。
第一片肉会跟埋蛋浆上。和牛本来就滑㗎喇，加埋蛋浆加持真系好食到喊，就咁就食晒成碗饭咁滞，已经饱咗🤣
和牛盛宴·西冷寿喜烧配乌冬
0 浏览
1 赞好
0 留言
第二片就原锅连埋配野菜五品盛上，同上年有啲唔同，可能想keep住个热度？但就唔太靓仔啰⋯⋯其实到呢块真系开始饱，毕竟和牛油脂唔系讲少
和牛盛宴· 肉眼寿喜烧
2 浏览
1 赞好
0 留言
最后甜品系生果，可以解一解腻。预约嘅时候讲系生日，店员好细心咁问埋寿星个名，放生果嘅碟就会变咗做 birthday plate，俾寿星吹下蜡烛咁
总括而言每道菜都用咗唔同部位嘅牛肉，配唔同处理法，有唔同嘅香气同口感，劲有心思，果然系盛宴，牛魔王食得极满足。
话香港嘢贵咩？但我觉得真系一分钱一分货。就算去日本本店食，因为汇率关系，半价好似好抵，但又边有咁癫嘅course？
张贴
