影片
更多
2020-06-24
116 浏览
政府派发一万大元，虽然仍未到手，但疫情之下，太耐冇食Omakase嘅我，一于约埋朋友，先洗未来钱，实行推动下本土经济，食番餐Omakase😋。经朋友介绍，今次就卜左位于湾仔嘅日式餐厅 - 御の味Kappou UO n，餐厅楼底极高，极有空间感；装修以日式简约木系为主调，灯光与装修配合予人感觉高贵时尚；而店员亦好专业介绍每一道菜式，令食客有宾至如归嘅感觉😃。店员先送上一杯梅酒🍸前菜三品 :🥢芝士豆腐 – 豆腐与芝士溶为一体，芝士味浓，口感极之幼滑。🥢象拔蚌 – 鲜甜爽脆，非常新鲜，配以露笋作配菜，增多一重口感。🥢木鱼 - 拌干葱丝一齐食，蘸小小酸汁，更加提鲜。刺身五点：🥢海胆 – 左为黄海胆、右是白海胆，两者都属马粪海胆，色泽金黄，味道甘甜，质感细致，入口即溶。🥢䲞鱼：鱼身呈淡红，肉质较爽口，慢慢咀嚼，鲜甜味道会慢慢渗出黎😋。🥢赤目 ： 鱼皮经烧炙后更加焦香，鱼身弹牙，鱼味浓郁😋😋。🥢拖罗：每次食omakase，总会好期待拖罗嘅出现，永远唔会令人失望😋。拖罗油花分布均匀，口感软嫩，入口即溶，满口鱼油香气😋，美味程度真系毋容置疑。烧物 ：🥢香鱼 - 店员介绍香鱼系季节性鱼产，唔系成日可以食
经朋友介绍，今次就卜左位于湾仔嘅日式餐厅 - 御の味Kappou UO n，餐厅楼底极高，极有空间感；装修以日式简约木系为主调，灯光与装修配合予人感觉高贵时尚；而店员亦好专业介绍每一道菜式，令食客有宾至如归嘅感觉😃。
店员先送上一杯梅酒🍸
前菜三品 :
🥢芝士豆腐 – 豆腐与芝士溶为一体，芝士味浓，口感极之幼滑。
🥢象拔蚌 – 鲜甜爽脆，非常新鲜，配以露笋作配菜，增多一重口感。
🥢木鱼 - 拌干葱丝一齐食，蘸小小酸汁，更加提鲜。
刺身五点：
🥢海胆 – 左为黄海胆、右是白海胆，两者都属马粪海胆，色泽金黄，味道甘甜，质感细致，入口即溶。
🥢䲞鱼：鱼身呈淡红，肉质较爽口，慢慢咀嚼，鲜甜味道会慢慢渗出黎😋。
🥢赤目 ： 鱼皮经烧炙后更加焦香，鱼身弹牙，鱼味浓郁😋😋。
🥢拖罗：每次食omakase，总会好期待拖罗嘅出现，永远唔会令人失望😋。拖罗油花分布均匀，口感软嫩，入口即溶，满口鱼油香气😋，美味程度真系毋容置疑。
烧物 ：
🥢香鱼 - 店员介绍香鱼系季节性鱼产，唔系成日可以食倒；香鱼肉质较松散，细骨较多，食时要小心，但鱼味极之香浓，只需蘸小小挂在鱼 嘅海盐，更加令鱼味提鲜😋。
煮物：
🥢魔鬼鱼 - 魔鬼鱼肉嘅质地同香鱼好唔同，魔鬼鱼肉一梳梳，没有细骨，肉质较结实，平生第一次食魔鬼鱼🤣感觉都ok。
天妇罗：只薄薄一层炸浆，一啲油滞感都冇，做得非常好👍🏻。
🥢天豆 - 样貌好似蚕豆，大大粒，口感食落粉嫩。
🥢无花果 - 甜甜酸酸，口味清新。
🥢白露笋 - 咬落爽口清新，比绿色嘅更加清甜。
寿司🍣：
🍣深海池鱼 - 肉味偏淡但肉质实而带点爽口。
🍣金目䲞 - 微微蘸小小Wasabi豉油已经带出鱼嘅鲜味。
🍣拖罗 - 脂肪分布得好靓，入口即溶，无比甘香。
止碗🥣：
鸟丸赤味噌汤 - 呢个汤味道有啲似药材汤咁，好浓郁，感觉好补身😆。
果物：
日本蜜瓜🍈，好清甜，食完呢个餐后生果，完美晚餐划上完美句号😋。
张贴
