茶涮涮 (已結業)

餐厅用咗鲜明嘅蓝色🔵做主题颜色，更用上一排排蓝色竹枝🎋作为墙壁，新潮得嚟又不失传统👍🏻午市嘅定食全部都想食呀🤣 选择困难症嘅我谂咗好耐最后拣咗 照烧日本元气走地鸡定食🍱 走地鸡真系唔同啲，鸡味零舍突出🐔 外皮酥脆呈金黄色，肉质嫩滑多汁💦 火候控制得啱啱好🔥 配上芝麻碎同豆苗，口感清爽层次分明，十分出色！👏🏻👏🏻定食附送嘅前菜（渍物）都唔嬉场㗎，有蒜头、牛蒡同埋红酒苹果💁🏻‍♀️ 我最钟意就系个苹果，养颜又开胃😋💕炎炎夏日梗系饮返杯柠檬特饮🍋啦，清爽解腻透心凉！今次用餐体验唔错🥳 价钱合理，午市定食有质素，装修又具特色。下次带埋朋友嚟食先🥰🥰