勝香園

营业中

休息中

中上环啲舖头通常都唔开星期日，所以就捉紧星期六依日放假，同朋友拜会一下依间驰名嘅大排档茄牛通。接近下午茶时间去到，离远已经见到有人龙，仲block埋隔离咖啡店添。叫左个茄牛通，一句讲晒，不外如是，完全唔明点解咁多人吹捧佢，个茄汤系浓既，但就系普通正常野。仲叫左个牛油柠檬汁蜜糖脆脆，连平时咁钟意食多士，奶油猪既我，都觉得个脆脆麻麻地，可能唔岩我口味，几种野唔太夹，冇乜满足感。唯一可以赞嘅就系杯奶茶，正宗港式丝袜奶茶味，而佢嘅奶味仲会浓少少，好岩我。排档咁既环境，唔好预期好舒服，但系中上环依啲area，又几有风味嘅，不过怕热嘅人士，就唔好大热天时去啦。