影片
更多
2021-12-17
2115 浏览
秋风起，除咗食腊味之外，仲系食煲仔饭嘅季节，系天气转凉嘅时候，一打开个煲盖，闻到油香扑鼻而来，香港人绝对抗拒唔到呢一种咁港式地道嘅美食。今次介绍嘅呢一间煲仔饭，之前已经食过一次，上年去食已经系大排长龙，今年再去食依然无变，绝对系荃湾煲仔饭嘅代表，今年再去睇吓佢究竟有冇退步。荃湾既江湖小栈系一间以武侠为主题既港式餐厅，主打煲仔饭，以佢嘅卖点就系除咗豉油之外，仲有秘制猪油，邪恶嘅猪油捞埋煲仔饭入边非常惹味，令到佢大受欢迎，因为猪油嘅香味令到饭味提升几个层次，客人仲可以自己拣唔同嘅配料，好似牛肉、腊肉、腊肠、滑鸡、肉饼、排骨、咸蛋、窝蛋等。另外煲仔饭嘅灵魂饭焦都系呢度嘅吸引人之处，因为佢哋可以做到黄金几完美饭焦。餐厅喺荃湾既鲎地坊，喺荃湾一个旧市集嘅特色地方，亦都系其中一个最多嘢食嘅荃湾地区，由路德围经天桥行去对面，就可以揾到呢间睇落平平无奇但深藏不露既餐厅。我上年第一次嚟呢间餐厅，六点几嚟到𠮶时俾佢嘅人龙吓亲，出边有10几20人，最后过咗一个钟多啲钟意入到去，不过餐厅嘅好处就系攞飞，而且会大概话你知几耐可以入去，所以我一个钟我就去开附近行吓，差唔多时间到就真系差唔多可以入去。今年我吸取教训
荃湾既江湖小栈系一间以武侠为主题既港式餐厅，主打煲仔饭，以佢嘅卖点就系除咗豉油之外，仲有秘制猪油，邪恶嘅猪油捞埋煲仔饭入边非常惹味，令到佢大受欢迎，因为猪油嘅香味令到饭味提升几个层次，客人仲可以自己拣唔同嘅配料，好似牛肉、腊肉、腊肠、滑鸡、肉饼、排骨、咸蛋、窝蛋等。另外煲仔饭嘅灵魂饭焦都系呢度嘅吸引人之处，因为佢哋可以做到黄金几完美饭焦。餐厅喺荃湾既鲎地坊，喺荃湾一个旧市集嘅特色地方，亦都系其中一个最多嘢食嘅荃湾地区，由路德围经天桥行去对面，就可以揾到呢间睇落平平无奇但深藏不露既餐厅。
我上年第一次嚟呢间餐厅，六点几嚟到𠮶时俾佢嘅人龙吓亲，出边有10几20人，最后过咗一个钟多啲钟意入到去，不过餐厅嘅好处就系攞飞，而且会大概话你知几耐可以入去，所以我一个钟我就去开附近行吓，差唔多时间到就真系差唔多可以入去。今年我吸取教训，系五点十就到左餐厅谂住做第一批客，终于比我成功，但我只系咁岩好彩入到，系啱啱好最后一枱客，因为原来餐厅改咗5:30开门，呢个我睇OpenRice嘅时间都唔知，所以六点前呢间餐厅就已经满座，另外话你知呢知间餐厅只做晚市，佢净系做夜晚煲仔饭小菜就已经足够，可以见到佢有几受欢迎。另外餐厅都好细心会摆一啲位系出边比大家坐住等。
江湖小栈店如其名，入边嘅装修好有武侠小说嘅感觉，好似客栈，连餐牌都系武林秘笈、英雄帖，每一本Menu各方面都唔同，我呢一本系玄冥神掌，确实有江湖嘅味道。
睇过「玄冥神掌」，餐厅主打即叫即做既煲仔饭，款式多达23种，全部都系$83一煲，除咗可以拣招牌口味之外，仲可以自选𩠌菜，最多可以拣3款𩠌，特别既𩠌好似有豆豉鲮鱼、虾膏、榨菜，好似食车仔面咁，另外仲有煲仔菜、小菜、生滚粥、小食等等，小菜嘅款式会比起一般大排档少。
另外一提，呢间小店系前年11月曾经遭遇过催泪弹攻击，老板亲身感受过强劲既催泪烟，感到无比刺痛，非常嬲，因为警察完全顾忌市民既安全，特别系有坐轮椅既老人家、一家大小有婴儿既客人，知道投诉无门，于是系门外贴纸宣布拒绝招待警察，虽然表示过唔好强行标签自己餐馆系咩颜色，但此举再加上被示威者启发后，之后有派水舒缓受催泪烟影响既街坊，足以证明系良心既小店。
-
1️⃣ 窝蛋牛肉煲仔饭 💰83（👅: 8.5/10）
窝蛋牛肉煲仔饭
$83
143 浏览
2 赞好
0 留言
猪油
15 浏览
1 赞好
0 留言
呢度嘅时候系咸豉油，而唔系甜豉油，豉油唔使落咁多已经好足够，落得多反而豉油会集中系底部同埋饭焦，变咗有啲地方好重味有啲地方淡啲，而且太多豉油会盖过𩠌嘅味道，而加咗猪油个煲仔饭香味突出，特别香口，但都唔好落咁多，因为太多会令到个饭比较湿。
饭系粒粒分明，软硬适中，水份啱啱好，够干身，净系闻已经闻到饭香，食落有少少米香，加咗猪油绝对系香气扑鼻，而且同饭香相辅相成，再加埋豉油好难唔好食。
窝蛋捞埚埋个饭，食起上嚟充满蛋香，令到个饭味道层次更加丰富，而牛肉方面都算嫩滑，咬薄无筋，有少少肉味。
最后就系煲仔饭最重要嘅饭焦，呢度嘅饭焦差唔多系完美，如果识得整饭焦嘅话，呢度嘅饭焦绝对系头盔型，可以成块起出嚟，唔会痴住个煲，饭焦呈金黄色，再加上豉油令到色泽更加令人流口水，咬落去脆口但唔痴牙，有小小烟韧，食落去唔会过㶶，只系表面有少少焦，好似食紧米饼，绝对系恰到好处。
-
2️⃣ 北菇滑鸡鲶鱼煲仔饭 💰83（👅: 8.5/10）
北菇滑鸡鲶鱼煲仔饭
$83
20 浏览
1 赞好
0 留言
食左几旧入口几滑，食落鲜嫩冇骨，而冬菇份量够多，滑鸡都唔小，食落算嫩，不过两者本身个味道都系偏淡，因为两样都冇腌过，要靠豉油或者其他配料。
-
3️⃣ 招牌烧通菜 💰48（👅: 7.5/10）
招牌烧通菜
$48
26 浏览
1 赞好
0 留言
通菜烧过嚟，但唔会太干身，食起嚟有汁，而且会有烧过嘅香味，但唔会有㶶味，食落因为有好多蒜头粒细，味道浓郁，香气十足，但同时味道都会重啲咸啲，食起嚟唔算好特别。
-
4️⃣ 锡纸花蛤粉 💰108（👅: 8.5/10）
锡纸花蛤粉
$108
32 浏览
2 赞好
0 留言
上枱个时出晒烟，而且系用锡纸上所以可以保持温度，份量非常多，花蛤够大只饱满，洗得够干净，咬落去满足，食落冇沙，而且有鲜甜味，因为佢有唔少蒜头，所以食落香辣蒜蓉味重，但唔会好辣，非常惹味，不过原来佢好似可以要求辣度，我冇要求不过食落就唔辣。
配料方面仲有金菇、粉丝、洋葱，洋葱令到香味更加突出，粉丝绝对系将花甲既鲜甜，同埋蒜蓉辣味嘅精华吸晒入去，食落去非常入味，忍唔住一啖接一啖。
-
5️⃣ 酸菜煮鲈鱼 💰138（👅: 8/10）
酸菜煮鲈鱼
$138
21 浏览
1 赞好
0 留言
上面嘅系鲈鱼肉片，分量非常多，汤底系用新鲜鲗鱼煮成浓郁既鱼汤，另外仲有酸菜、豆卜，可以睇到佢入边系冇用花椒。
鱼嘅份量以呢个价钱来讲系非常之多，而且每一旧都非常大旧，比起平时用生鱼，呢度系用原条鲈鱼，入口够嫩滑，啖啖肉，不过部份位会有骨，唔似平时酸菜鱼𠮶啲冇骨食落咁爽。
而汤方面饮落去辣味同酸味都好小，反而系饮到鱼汤嘅鲜甜味，所以好形容佢系似一个有酸菜嘅鱼汤，多过以酸菜熬制而成嘅汤，如果钟意饮到鱼嘅味多过又酸又麻既，或者对于唔食得辣嘅人来讲，呢个汤系唔错，但如果系抱住食到川菜个种会失望。
-
6️⃣ 牛舌 💰25（👅: 8/10）
牛舌
$25
27 浏览
1 赞好
0 留言
-
7️⃣ 汽水 💰13（👅: 7/10）
-
🌟今时今日要喺香港食到一煲好嘅煲仔饭都唔容易，依家煲仔饭煮法都五花八门，但煲仔饭最主要就系要火候啱啱好，要有完美嘅黄金饭焦，有粒粒分明而且唔会过湿嘅饭粒，加重味道香味但唔会过分嘅豉油，所以一个好食嘅煲仔饭绝对唔简单，而呢间餐厅每样都做得唔错，比起配料方面佢嘅饭做得更好，今次煲仔饭未试到佢最出名嘅排骨同腊味，但秋天仲未完结，好快我就会再嚟。
餐厅装修用心，虽然设计唔系为咗来俾人打卡，但我今年去同上年去，入边嘅装修都系冇变过，好似系俾人打卡，但入边嘅嘢食系绝对有质素，唔系好睇唔好食。要挑剔嘅就系呢度太多人去，大家如果唔系六点前就到，就有心理准备要等一个钟。
荃湾绝对系一个咩都有得食嘅美食天堂，而呢一间小菜煲仔饭客栈，绝对系荃湾唔可以错过嘅一间餐厅，如果经过荃湾、甚至系想食都好食嘅煲仔饭，绝对值得黎一试呢度师傅嘅武林武功。
煲仔饭饭焦:
🥇荃湾 江湖小栈
🥈西环 尝囍煲仔小菜
煲仔饭饭粒分明干身:
🥇西环 尝囍煲仔小菜
🥈荃湾 江湖小栈
煲仔饭调味:
🥇荃湾 江湖小栈
🥈西环 尝囍煲仔小菜
煲仔饭配料:
🥈荃湾 江湖小栈
🥈西环 尝囍煲仔小菜
-
👅味道: 9/10
🍴环境: 7/10
💰消费: $100-200pp (服务费: NA)
张贴
