客尚來

营业中

休息中

好食嘅口水鸡好难揾。几年前食客尚来口水鸡系好食嘅，今次嚟到西营盘，虽然印像中上年食过好似麻麻，但始终印像模糊决定再试一次。叫咗一个口水鸡客饭，一个回锅肉客饭。两个客饭价钱相同，但分量就差好远。先讲分量：回锅肉有肉有菜当然知道啦，但估唔到佢肉嘅份量少得咁可怜。以同等价钱嚟讲，回锅肉得几片簿肉加成碟菜，成本一定低过口水鸡好多。呢碟回锅肉食水真系深!再讲味道：口水鸡真心失望！！白斩鸡家口水鸡配料，感觉并冇腌制过而系就咁淋上去。呢一种「鸡精」做法虽然度度都系，但系以前客尚来唔系咁㗎！真系 好 • 好 • 好 失望！至于回锅肉呢，味道亦都十分普通。只系得几小片薄肉，其实只系食到菜味就算连个菜饭都做得咁求其菜少饭多干增增一啲油都冇，完全唔合格！做法只系白饭捞几粒菜粒。