火土燒肉

同朋友约去露营但系讲咗2年都未成行，咁就嚟住呢个露营风餐厅止住露营瘾先🫡餐厅全部櫈同餐具都系用露营用品，有得凉住冷气咁感受露营气氛好有仪式感🤣而且仲有室外位置，更加有feel😎▫️A5宫崎和牛幻切沙巴当 ($298)牛肉使用幻切嘅切割技术，可以最大程度咁保留肉嘅柔软度，加上宫崎和牛本身就好高质，所以强烈推荐要点❗️店员会帮手烧同问我哋想烧到几成熟🤓肉质柔嫩又重肉味，唔洗点酱汁都已经好好食，食落油脂仲好丰富，食几旧我就开始饱饱哋🤣▫️烧肉拼盘 ($398)拼盘岩晒我呢啲选择困难症病人🤣呢个拼盘包括牛肋肉、牛舌、牛胸腹、伊比利亚豚肋条、豚五花同鸡腿肉。牛肉好食就意料之内，无谂到最惊艳系豚肋条，肉味超浓郁，爽口唔会韧！▫️玉子海苔饭 ($28)食烧肉我习惯一定会叫紫菜饭，白饭捞埋蛋汁同紫菜真系好好味🥹呢度环境好之余店员亦好主动，觉得露营坐得唔舒服嘅大家都有普通座位可以拣，推荐钟意烧肉又热爱打卡嘅大家试吓🥰