大滾友火鍋 (紅棉大廈)

营业中

休息中

早咗收工就同朋友嚟打个边炉先，虽然以前都食过大滚友嘅打边炉，但系呢间真系好方便同舒服，位置坐落喺荃湾千色店附近。装修格局同其他分店一样，好有中国风。我同朋友叫咗几样经典菜式，都推介俾大家：佢嘅招牌花胶鸡汤底真系冇得顶，开胃兼养颜。啲鸡好新鲜，肴出嚟嘅汤底真系好浓味，再加上用优质嘅花胶，食完真系好补，皮肤都好啲。我哋都叫咗两只鲍鱼，最建议真系放落滚汤烚5分钟就食得，劲弹牙新鲜。另外叫咗唔同嘅牛肉同牛舌，都好新鲜弹牙，好有牛味。整体嚟讲好值得推介嘅一间打边炉，同三五知己叙旧一流。