影片
更多
2014-04-13
181 浏览
以前啲楼上铺多数都喺啲café仔，不过，依家就有唔少高级餐厅都「上晒楼」，加上食厦嘅概念不断成熟，一幢又一幢嘅食厦相继出现，造就成更多有质素嘅餐厅开晌商厦之内。就以铜锣湾计，之前试过嘅The Sky Bar、Secrettaste、Eden Rose、Barg……等等，都喺一啲坐得舒服，食出质素嘅「楼上」西餐厅，都仲未论及啲楼上铺日本菜、韩国菜……呢！今晚，好开心又同三几位食友嚟到主打意、法菜嘅Sun Palace试新菜，在此多谢晒 ！因为喺食厦嘅缘故，一出电梯就喺餐厅「玄关」，事后所知，原来店主好喜欢水晶吊灯，所以，门口位除咗有个太阳标志，由门口、大厅、贵宾房都装上晶莹璀璨、闪闪耀目嘅水晶吊灯 ；再者，胡桃木地板、丝绒梳化椅、柔和嘅灯光，充满一份典雅，却不落俗套 。最不可思意喺可容纳8-10人嘅贵宾房，除装修同样华丽之外，竟然无最低消费 ，当然，提前预订喺基本需要啦。 Sunflower $38 无论饮品餐牌，抑或主餐牌，封面都以太阳系为设计概念。翻开饮品餐牌，虽然有唔少餐酒、鸡尾酒、啤酒选择，但因为仲未领有酒牌，要稍后才有供应。不过，其他饮品亦不少。小弟拣嚟一杯非酒精嘅
因为喺食厦嘅缘故，一出电梯就喺餐厅「玄关」，事后所知，原来店主好喜欢水晶吊灯，所以，门口位除咗有个太阳标志，由门口、大厅、贵宾房都装上晶莹璀璨、闪闪耀目嘅水晶吊灯 ；再者，胡桃木地板、丝绒梳化椅、柔和嘅灯光，充满一份典雅，却不落俗套 。
最不可思意喺可容纳8-10人嘅贵宾房，除装修同样华丽之外，竟然无最低消费 ，当然，提前预订喺基本需要啦。
Sunflower $38 无论饮品餐牌，抑或主餐牌，封面都以太阳系为设计概念。翻开饮品餐牌，虽然有唔少餐酒、鸡尾酒、啤酒选择，但因为仲未领有酒牌，要稍后才有供应。不过，其他饮品亦不少。
小弟拣嚟一杯非酒精嘅鸡尾酒Mocktail，以橙汁、西柚汁和石榴糖浆沟成嘅sunflower，色泽橙红，以西柚味为主导，入口微酸，感觉清爽。
主餐牌内，菜式分为海鲜冷盘、餐汤、前菜及沙律、意粉及意大利饭、主菜、甜品等类别。此外，亦有晚市套餐提供，包括：前菜、餐汤、主菜三拣一、甜品二选一、以及啡茶，价钱就视乎所选主菜而定 。
迷你百吉包及牛角包 无论散叫定套餐，餐前包喺指定动作，最正喺唔单只配送香草蒜蓉牛油伴食，大手笔嘅喺餐包呈上百吉包及牛角包，尤其后者，松脆软熟，富牛油香，好易一个接一个食唔停手 。
第一轮先嚟3道前菜热热身，有浓腻，有清甜，正正能发挥大厨心思。
香煎鹅肝伴西柚香灯苹果蓉 $148 Pan-Fried Foie Gras Served with Grapefruit, Orange and Apple Puree
虽然香煎鹅肝一向予人重口味嘅感觉，但加上西柚肉、香橙肉、少少食用花叶，令人感觉轻盈得多。鹅肝煎得焦香，外层焦脆，内里粉嫩，甚有入口即溶嘅感觉，涂少少西柚香灯苹果蓉，既能减低嚟自鹅肝嘅油腻度，更有种咸香带甜嘅平衡感 。
蟹肉牛油果卷伴三文鱼籽 $138 Crab Meat and Avocado Roll Served with Salmon Roe
卖相极精致嘅一道头盘，以牛油果卷上鲜拆蟹肉，仲要铺上三文鱼籽，果然功夫细腻。牛油果非常绵密软滑，蟹肉亦很鲜甜，而三文鱼籽咸香味突出，整个组合好别出心裁 。
农场水煮蛋配香草炒野菌黑松露酱 $108 Melange of Seasonal Mushroom with Black Truffle
Served with Poached Egg, Sautéed Wild Mushroom, Truffle Hollandaise Sauce, Yellow Frisse and Balsamic Vinaigrette
野菌本身已经带有菌香，加埋黑松露酱，可想而知有几芳香馥郁。佐以水煮蛋、荷兰酱、葡萄醋汁沙律菜，可称为野菌版嘅宾尼迪蛋（Egg Benedict），拌匀之后，香滑兼备，味道及层次都嚟得有趣味 。
品尝咗3款有个性又美味嘅前菜之后，期待下一道菜又喺乜嘢。何解拎壶果茶嚟？咦，原来唔喺果茶，喺店家其中一款招牌靓汤 。
马赛渔夫汤 $138 Seafood Bouilabaisse Served with Mussel, Prawn and Scallop
马赛渔夫汤佐以时令海鲜，包括青口、海虾、大蚬和带子，单睇依份「汤料」如神仙放屁，不同凡响 ；再将橙红色嘅海鲜鱼汤淋落去，真喺热切期待。几款海鲜都十分鲜甜，尤以带子略煎过，不只厚肉富弹性，多份香口嘅感觉；至于个「汤底」，非常鲜香，夸张啲讲句，真喺犹如将海洋精华饮落肚 ，据介绍原来此汤以大量虾蟹鲜鱼熬制，确喺叫人感受到𠮶份真材实料。唔介意俾多少少钱嚟试好嘢，依个渔夫汤真心推介 。
牛肝菌意大利饭配松子仁黑松露酱 $188 Porcini Risotto Served with Pine Nut and Black Truffle Sauce
似乎大厨都几喜欢以野菌配松露酱，当然，小弟都好喜欢依两样食材，加埋意大利，又喺另一钟意嘅食材。意大利饭煮得烟韧有咬口，酱汁够多，入口湿润，牛肝菌菌味香，松子仁又松脆，配搭一流 ！
餐汤过后，卒之轮到主菜嘅触目登场。是夜，细心嘅公关安排咗4道主菜，有鱼、有猪、亦有牛和鸡，希望让大家试到唔同嘅食材。
蒸智利鲈鱼柳伴鱿鱼、枝豆海鲜汁 $298 Steamed Chilean Seabass with Baby Squids, Edamame and Seafood Broth $298
鲈鱼属深海鱼，所以矜贵在野生，无饲养，所以，蒸好后嘅鲈鱼鱼味都相对浓，而且肉质细滑，配以海鲜汁，清甜但又无盖过鱼鲜味；鱿鱼及枝豆作为点缀，简单轻盈。
烤加拿大豚肉配胡合苹果酱 $288 Grilled Canadian Pork Rack (10oz) Served with Baby Spinach, Potato Puree and Apple Rhubarb
据介绍，大厨选用加拿大豚肉，喺因为比一般猪肉肉质细嫩，油脂分布平均。豚肉入口，确喺唔错，有油香得嚟唔会觉得太肥腻；最称心喺配上酸酸甜甜嘅苹果酱，带起豚肉嘅脂香，但又有种中和嘅作用 。伴以嫩绿菠菜叶、软滑薯蓉、洋葱丝及三色椒丝，都令人食得开怀。
慢煮美国牛肋肉伴甘笋蓉 $298 Slow-Cooked U.S. short Rib Served with Carrot Puree, Baby Onion and Beetroot Reduction
卖相甚有艺术及立体感，亦喺小弟是夜最欣赏嘅菜式，一来以慢煮方式，牛肋肉极之软腍，肉味丰厚，却又肉汁丰盈 ；淋上红菜头汁，既健康，又特别，虽然店家有提供法式、英式芥辣，但就算唔沾点，一样好好食；再伴以甘笋蓉、洋葱仔，都喺少见嘅特色配菜，故此，又点可以错过。
香煎黄油鸡伴脆藜麦、甘笋蓉、法国椰菜、无花果汁 $ 288 Pan Fried Yellow Chicken Served with Crispy Quinoa, Carrot Puree and Cabbabe Savoy
嚟自法国嘅黄油鸡，同样有用慢煮法，再煎香，所以，外皮香脆，鸡肉嫩滑，蘸点带甜嘅无花果汁，几特别；而配菜又宁舍丰富，有甘笋蓉、法国椰菜丝、意大利烟肉、法边豆，但要数特色莫过于近期大热嘅藜麦饼，混和埋芝士、薯蓉搓成，慢火细煎，外层香脆，内里烟韧，最重要喺佢可血压、减胆固醇，有益健康嘛 ！然而，本土鸡只唔输蚀得去边，个人认为食法国黄油鸡太重皮嘞。
其实，尝过以上菜式，已叫人感到称心满足，但若然加埋一系列甜品，又使人点可以唔带著幸福回家呢！甜品方面，餐牌中共有7款选择，除经典嘅意大利芝士饼、法式焦糖炖蛋外，其他嘅都喺意、法颇有代表性嘅甜品。杂莓乳酪奶冻 $78
Panna Cotta with Mix Berry
意式奶冻又喺经典意大利甜品之一，奶冻做得挺身而软滑，入口满满忌廉奶香，配合埋酸咪咪嘅杂莓果肉及红莓果酱，唔花巧，唔造作，但简单，而味美 ！
香蕉朱古力吉士拿破仑蛋糕 $88 Chocolate Custard and Banana Mille Feuille
个人不嬲都好欣赏拿破仑饼依款法式甜品，因为功夫何其多，技巧何其重。但配朱古力吉士的确少见，再弃用芒果，改用略煮过嘅焦糖香蕉片，究竟好唔好食？应该问有几好食，柔细嘅吉士，松脆酥皮，焦糖嘅蕉片，衬上自家制真材实料嘅云呢嗱雪糕，真想叫多客啰 ！
法式歌剧院蛋糕 $88 French Opera Cake
自从晌工联会参加过示范班，知道佢喺又一制作麻烦至极嘅法式甜品后，只会出街帮衬而唔会试做。海绵蛋糕、软心朱古力浆、咖啡牛油忌廉，一层叠一层足8层，再晌饼面加上开心果仁碎，以及迷你红莓马卡龙，配以小片金箔，更显出其经典及高贵。其实，歌剧院蛋糕本身颇甜，但眼前食到嘅已略为减甜，软心朱古力浆及咖啡牛油忌廉均非常香滑，很有水准嘅一道甜品 。
板粟蓉冧酒慕丝 $88 Chestnut Mousse with Rong Rum
最后出场嘅慕丝饼，单睇面层嘅栗子蓉，已知饼厨手功细致，加上一粒糖渍蜜饯原粒栗子，点点金金箔，碟边围有杂莓及开心果仁碎，高雅而不俗气 。板粟蓉粉香软绵，粟子味浓，内里喺冧酒慕丝夹海绵蛋糕，略嫌冧酒味太弱，似有还无，但喺，依然喜欢这甜品呢 ！
无论前菜、餐汤、主菜，抑或甜品，都有好出色嘅表现，加上舒适嘅用餐环境，及窝心熨贴嘅服务，当然食得称心开怀。不过，睇睇以上单价就明白依个喺一个等价交换，但绝对值得，尤其欢渡一些人生特别嘅纪念日呢 ！
张贴
