影片
更多
2019-10-10
723 浏览
元朗朋友J先生喺元朗长大，佢长期系我元朗饮食推介嘅来源之一，由完全无认识到而家系元朗区有不少心得，也全赖佢影响，佢算系我其中一个饮食指南。之前他曾经推介一间元朗嘅中式餐厅，Yoho mall嘅「家上海」，以传统嘅家乡味道喺元朗打出个名堂，一直有不少粉丝和支持者都讲过呢间餐厅有几好，可惜两个人食唔到啲乜，起码要一大班人才可以试到多啲唔同嘅菜式。因此，一直只系可以听人讲下有几好，上网睇吓有几正，望梅止渴。不过皇天不负有心人，曾听讲过佢开分店嘅消息终于落实，「家上海」终于冲出元朗，喺奥海城开设了另一间新嘅分店。当然来到大角咀，约人就容约得多，于是当晚一行十多人来到这里试试佢精彩嘅菜式。这里以淮扬菜为主，主厨栾师傅生于扬州，上海和淮扬菜都是佢嘅拿手好戏，这个品牌的成功都正因为他，相信今晚几个座上客都系因为想试吓佢嘅手势而到访。餐厅有好多之前元朗有嘅菜式，亦都新加左奥海城分店的限定菜式，人多就自然好做事，有几多扫几多。先上场嘅系奥海城限定嘅花雕酒糟三宝，以鲍鱼，鲜虾和猪手为主角，简单加上花雕酒，姜和葱等配料煮好后，三位主角都被花雕酒用上一晚完全溶化吸收，吃到食材的原味之余，也吃到酒香。另一道前菜
之前他曾经推介一间元朗嘅中式餐厅，Yoho mall嘅「家上海」，以传统嘅家乡味道喺元朗打出个名堂，一直有不少粉丝和支持者都讲过呢间餐厅有几好，可惜两个人食唔到啲乜，起码要一大班人才可以试到多啲唔同嘅菜式。
因此，一直只系可以听人讲下有几好，上网睇吓有几正，望梅止渴。
不过皇天不负有心人，曾听讲过佢开分店嘅消息终于落实，「家上海」终于冲出元朗，喺奥海城开设了另一间新嘅分店。
当然来到大角咀，约人就容约得多，于是当晚一行十多人来到这里试试佢精彩嘅菜式。
这里以淮扬菜为主，主厨栾师傅生于扬州，上海和淮扬菜都是佢嘅拿手好戏，这个品牌的成功都正因为他，相信今晚几个座上客都系因为想试吓佢嘅手势而到访。
餐厅有好多之前元朗有嘅菜式，亦都新加左奥海城分店的限定菜式，人多就自然好做事，有几多扫几多。
先上场嘅系奥海城限定嘅花雕酒糟三宝，以鲍鱼，鲜虾和猪手为主角，简单加上花雕酒，姜和葱等配料煮好后，三位主角都被花雕酒用上一晚完全溶化吸收，吃到食材的原味之余，也吃到酒香。
另一道前菜系淮扬五福拼盘，五种推介前菜包括凉拌陈醋红蜇头，苏式熏鱼，四喜烤麸，女儿红醉鸡和镇江冰官肴蹄，各有特色。个人较为重口味喜欢醉鸡和熏鱼，而蜇头醋味较为淡，如果浓一点，整体经验应该更加好。
如果要尽显淮扬菜嘅刀工，呢一个松茸蟹钳燩绣球应该系体验刀功嘅最佳作品，师傅以强劲嘅刀工系豆腐上切上咗三千多刀，而以鸡和金华火腿煲嘅上汤，豆腐就像菊花一样盛开，基本上同艺术品无异，我亦想起城中另一间出名的淮扬菜，这个绝对有过之而无不及。
全晚最impressive系家乡姜葱蟹米粉，原因系出奇地个个都系咁食个米粉，姜葱米粉反而系抢手之作，当然大大只嘅青蟹炒得惹味芳香，而且肉质新鲜，加上姜葱的调味和米粉嘅配套，可以说是不可错过。
黄鱼炆手切年糕，主角我觉得唔系𠮶条黄鱼，反而系劲烟韧嘅年糕，不过惊太饱嘅关系，都系一件起两件止。
上海烟熏脆皮鸡又系另一杰作，你睇个样冇谂过可以咁正，唔一定要西餐Louise吃嘅三黄鸡先出名，这个香港独有的鸡才是最佳嘅拿手好戏，用香料腌过后嘅鸡，风干后再用茶烟熏，再用慢火煮过，那个鸡样子皮脆肉嫩，油香强鸡皮超脆如薯片一样，坐上客嘅呢A小姐话一定唔可以错过枱面附上嘅蒜香甜汁，平常我吃鸡也不会点汁，但既然咁讲点一点，更加与别不同，听靓女讲野果然冇错。
另外一个家乡味就系上海梅干菜炆肉排，这个绝对系家常小菜，可能你会觉得冇乜特别，但吃下去绝对窝心。
最后当然要来个菜，当晚选的浓鸡汁萝卜，相对来说最简单和朴素， 以质素来讲，不过不失，用来间场最好。
另外脆煎灌汤小笼包同大上海牛肉饼可谓各有千秋同样美味，不过个人觉得小笼包好得多，以铁板奉上，其香脆嘅包底和强劲嘅馅料，直逼我最爱嘅麦记，当然呢度个版本系高尚得多，只要你想想就好似麦记嘅质素，但系地方包装唔同晒，成件事系唔系好值得一个一星嘅米芝莲？
最唔令人期待嘅应该系招牌十景杨州炒饭，但个人来说，越食越喜欢，每粒米都炒得劲细致，十景完全唔讲得笑，有鸡蛋，咸肉，猪肉，叉烧，鸡肉，冬菇，葱花，菜粒，河虾仁和海参，基本上咁多种材料加上强劲嘅功力和火候炒出来，同平时你喺茶餐厅食到个炒饭当然系截然不同，因此，有时不可以名字或食物种类，就断定个菜唔吸引。
甜品又系气势如虹，三个选择有流沙奶黄千层酥，淮扬芝麻球和杞子荔枝桂花糕，吃的时候当然由浅入深，但当然要我选择，芝麻球和流沙奶黄千层酥一定系超水准嘅作品，相对比桂花糕都优胜得多。
成晚食咗咁多个菜式，惊喜可以话系一浪接一浪，最重要系地点方便，而且以前食淮扬菜通常都会系香港区嘅选择，但九龙区嘅朋友现在多左个选择，冲出元朗嘅家应该更令你窝心吧。
家上海
大角咀海泓道1号奥海城三期地下G19-21号舖
张贴
