彩福欣宴 (已結業)

最近真系感到同家人食餐家常便饭，已经有种奢侈感。喺城市入面总系有种陌生感觉，所以放工后心血来潮，就约埋女皇嘅爸妈一齐食反餐饭。而地点就拣咗俩老嘅指定饭堂彩福，今次系佐敦店。一段时间无黎发现酒楼添置左几部大电视，相信系供宴会时使用，而平日就令我们啲常客多左份享受。喺彩福食饭有另一好处系晚饭三宝可以帮到三心俩意嘅我地，更容易决定自己想食乜。晚饭三宝系由烧味部，厨房同海鲜部中各选一款菜色嘅套餐。而每次黎都可以试到唔同组合，所以真系几好，今次我地就点左姜葱焗肉蟹，份量系一只，胜左够大只多肉，四人用绝对够喉，焗蟹效果干身，姜葱味浓，唔错。脆皮烧腩仔，外皮松脆，肉组织肥瘦相隔，层次分明，肉带咸香，继怀旧金牌叉烧又一杰作瑶柱虾干浸胜瓜，味道偏淡，但有助解腻。最后点左清蒸沙巴龙虿班同彩椒菠萝咕噜肉，俩度相当下饭嘅𩠌，可惜贪心嘅我们太饱啦，放弃白饭，改选桂花糕，希望黎紧大家都可以珍惜同家人朋友嘅每餐相聚时刻，享受自己开心用餐心情。