影片
更多
2018-10-06
2149 浏览
生平第一次写食评，真系不吐不快，懒过鬼嘅我都忍唔住要打几只字向世人反映下。一家大细星期日食晚饭，点了：1: 烧猪腩仔 - 上枱嘅肉系烧中猪肉，又韧又柴皮，食咗几十年烧腩仔，从来未试过咁难食的。用中猪肉冒充猪腩肉，根本就违反商品说明条例。2: 咕噜肉 - 用嘅系猪颈肉，肥淋淋，咬落去每啖都标哂油入口，啲猪油味系口内浪来浪去，一路食一路想呕。3: 黑椒日本和牛粒 - 啲牛粒系冻肉舖卖好cheap𠮶只，加上煮到好生，入面啲脂肪仍然系冻冰冰，全家人都咬一啖就吐番旧肉出嚟，成张枱都俾啲吐出嚟嘅牛肉血汁染红，真系好核突。4: 烧鹅 - 皮唔脆，肉无味，老实讲，大家乐同大快活烧𠮶啲好食过佢三倍。5: 抄白菜 - 无乜特别。6: 寿包 - 正常寿包拳头咁大，佢哋嘅寿包就只有X头咁大，痴Q线，如果用嚟做寿个包得咁细，乜福乜寿都俾佢折晒啦。5个大人，4个白饭，5支啤酒，埋单2400，每人差不多俾500蚊食垃圾，唔止中伏甚深，直头系无天理。P.S. 我哋7:30左右到场，星期日晚只有三份一枱有客，但食到8:30居然迫我地埋单。需然无错系讲过话头轮由7:00食到8:30还枱，但佢哋全场得三份一枱有人坐，另外三
一家大细星期日食晚饭，点了：
1: 烧猪腩仔 - 上枱嘅肉系烧中猪肉，又韧又柴皮，食咗几十年烧腩仔，从来未试过咁难食的。用中猪肉冒充猪腩肉，根本就违反商品说明条例。
2: 咕噜肉 - 用嘅系猪颈肉，肥淋淋，咬落去每啖都标哂油入口，啲猪油味系口内浪来浪去，一路食一路想呕。
3: 黑椒日本和牛粒 - 啲牛粒系冻肉舖卖好cheap𠮶只，加上煮到好生，入面啲脂肪仍然系冻冰冰，全家人都咬一啖就吐番旧肉出嚟，成张枱都俾啲吐出嚟嘅牛肉血汁染红，真系好核突。
4: 烧鹅 - 皮唔脆，肉无味，老实讲，大家乐同大快活烧𠮶啲好食过佢三倍。
5: 抄白菜 - 无乜特别。
6: 寿包 - 正常寿包拳头咁大，佢哋嘅寿包就只有X头咁大，痴Q线，如果用嚟做寿个包得咁细，乜福乜寿都俾佢折晒啦。
5个大人，4个白饭，5支啤酒，埋单2400，每人差不多俾500蚊食垃圾，唔止中伏甚深，直头系无天理。
P.S. 我哋7:30左右到场，星期日晚只有三份一枱有客，但食到8:30居然迫我地埋单。需然无错系讲过话头轮由7:00食到8:30还枱，但佢哋全场得三份一枱有人坐，另外三份二系空枱，居然咁都迫客埋单。我问可唔可以坐多一阵，个经理话要交枱俾下一轮客，但其实鬼影都无只，我真系即时O哂嘴，咁嘅服务真系无嘢好讲。人生出外食饭无数，以呢餐最伏。
张贴