一葉台灣料理

营业中

休息中

发现呢餐系我两个礼拜内食紧第四餐台湾菜。不过今次就唔再系食红烧牛肉面，而系黎到呢间台式餐厅，食下啲台湾家常小菜。🐮老妈炒牛肉 $108老妈炒牛肉系店员知我钟意食辣之后推介嘅，牛肉由豆豉、香葱，韭菜、黑椒炒成，食落香辣开胃，感觉有啲似黑椒炒牛肉，最啱用嚟配饭食。🥬台式香肠炒高丽菜 $78香肠炒高丽菜炒出嚟嘅味道比想像中更台湾，香肠好有油香味，配合新鲜嘅蔬菜，味道不错。不过如果再少油啲就更加健康啦。🌶辣油 $0店员介绍话呢到嘅辣油都几受欢迎，lunch set有鸡扒饭𠮶啲，佢话有啲客人会特登用啲辣油捞黎食。我试左少沙辣油，将牛肉点落辣油到食，都几香，味道几特别。🍚白饭 $12白饭系几好食嘅珍珠米，粒粒分明，软硬适中。🍡黑糖花生麻糬 $0食到最后，店员突然送上两粒黑糖花生麻糬，话系餐厅送比客人嘅甜品。黑糖麻糬包住粗粒嘅花生酱，都几好食。望一望餐牌，原来都有得单独order嘅，餐牌幅图入面有五粒，写住$28。呢排成日大鱼大肉，食返餐台湾家常小菜，有种平淡之中嘅幸福嘅感觉，成餐饭都食得好舒服。朋友话佢试过黎食lunch set，佢都觉得食呢到嘅小菜感觉幸福啲，好有台湾嘅感觉。又好挂住台湾啦。