祥景茶餐廳 (已搬遷) 新店位置

亲戚搬左去良景邨都三年几，这儿有间茶餐厅，经济抵食，饭𩠌份量足，出品够水准。晚市$59 住家𩠌送客饭，抵食啦！今日晚餐仲有豉汁蒸鲳鱼，正！条鱼好滑，豉汁够惹味，捞鱼汁佐饭最好味！XO酱脆玉瓜炒虾仁，又系好惹味，虾虽然系雪藏货，无咩鲜味，胜在够爽，另外脆玉瓜好脆，味道唔算好咸，唔肥腻，几清新。仲有叫左个西兰花椒盐肉排，西兰花好爽够香口，肉排腍滑带少少辣，家常𩠌呢个价钱，超值。P.S 呢间D奶茶好出名，黑白奶冲，够滑够香，今晚我都忍唔位叫左杯。