祥景茶餐廳 (已搬遷) 新店位置

周身骨痛費事買餸, 是日求求其其外賣個飯盒晚餐, 來個女人的浪漫 鮮茄牛肉飯 + 熱檸水呢個鮮茄牛肉飯 絕對係重量級, 因為好大兜飯, 而且餸又多汁又多, 先講啲飯, 飯唔夠熱而且係有啲啲未熟透嘅, 咁樣都算, 不過硬係唔明點解啲蕃茄汁可以紅得咁緊要, 而且味道又酸得好緊要, 牛肉就有好多片, 雖然我就冇數過有幾多, 牛肉味道好一般, 都冇預期會係好好食啦, 不過係冇諗到會係咁樣嘅味啫。嗰杯好普通嘅檸檬水飲落一啲都唔普通, 因為啲檸檬係好澀, 飲落口一啲都唔舒服。呢個女人的浪漫, 真係一啲都唔浪漫。

今天天氣寒冷我唯有在餐牌中選擇保溫能力最好的湯飯湯飯中最健康的選擇似乎是冬瓜肉粒湯飯這就是我今天的午餐飯長期浸在湯內自然容易入口湯有少少莞茜的味道可以接受不過整碗飯都沒有莞茜的蹤影湯飯的冬瓜頗硬特別是近冬瓜皮的部份肉粒都是無味的當中大部份都是瘦肉粒只有一兩粒是肥肉蔥和磨菇只是用作調味入口也是無味整個飯都是偏向清淡吃完8成飽結帳時付了37元湯飯沒有附送飲品尚算抵食不介意味道只在乎飽肚和暖肚的話這個湯飯可以一試

親戚搬左去良景邨都三年幾，這兒有間茶餐廳，經濟抵食，飯餸份量足，出品夠水準。晚市$59 住家餸送客飯，抵食啦！今日晚餐仲有豉汁蒸鯧魚，正！條魚好滑，豉汁夠惹味，撈魚汁佐飯最好味！XO醬脆玉瓜炒蝦仁，又係好惹味，蝦雖然係雪藏貨，無咩鮮味，勝在夠爽，另外脆玉瓜好脆，味道唔算好咸，唔肥膩，幾清新。仲有叫左個西蘭花椒鹽肉排，西蘭花好爽夠香口，肉排腍滑帶少少辣，家常餸呢個價錢，超值。P.S 呢間D奶茶好出名，黑白奶沖，夠滑夠香，今晚我都忍唔位叫左杯。

本人久不久便會幫襯此店，由於自己做飯很少做牛肉，今回叫了菜遠牛腩反及生炒牛飯，菜遠雖然是伴碟，但毫不馬虎是上等揀手菜，粗壯之餘亦夠腍身，牛腩也一貫香軟入味，而有適量牛筋就正是皇道，濃濃的牛汁也是少不得的錦上添花。另外的生炒牛飯雖然來得更簡單，但用上小小的牛肉片而不是免治牛足見更真材實料，同時碟底一滴油都不見可謂較為健康的做法。與此同時，老闆額外贈予兩碗老火青紅蘿白廋肉湯，突顯為商殷勤之道。題外話是如果出第二柯打菜的速度能更勤快便更佳。

良景換裝修後很少直接到這吃飯，畢竟晚餐碟頭還是比較大，來這還是下午茶比較多。而且，下午有新出爐的菠蘿包跟蛋撻，吃完外賣個回家剛好。（堂食會貴一點）香矛雞翼湯檬 ＄38 連凍飲加$2雞翼有醃過，肉算嫩，略欠香矛香，湯底味道是普通的雞湯，但濃湯配檬粉配合剛好，份量也足，價錢來說還算不錯。凍檸茶 跟餐帶點茶香，最重要夠凍。沙嗲牛肉意 配奄列 ＄35沙嗲牛肉意很多人會點 ，牛肉是一早弄好的，廚房上餐時直接灑上去就成，牛肉不硬，沙嗲汁是港式傳統的，想回憶先時味道必點，不足的是意粉太軟。火腿奄列，麵包太乾， 奄列不過不失，蛋剛好全熟，火腿份量一般，夾進包一起吃還是不錯的。西多士＄19，中間夾有花生醬，加有蛋汁半煎炸而成，簡單卻好吃。另外提一下，星期日沒有下午茶餐，畢竟黃金賺錢時間，大家懂的。

其實我係度住左廿幾年。真係第一次食晚飯，因為媽咪成日係屋企煮。大了出街食又會出出面。裝修搬店後第一次來~ 真心，《非常夠火喉，好食過酒樓》哈哈，係咪好順口呢  掛住食無逐碟影哂 呢碟西蘭花炒鮮油由賣相到味道都好好食，入味！菜硬度適中！ 蝦仁炒蛋-蛋好白，蝦又有鮮味 呢個雞煲我就無試了。 因為我只食雞翼。仲要係炸個d總體好好食！ 來良景啦！食完附近好多野行 

我們一家都當祥景為飯堂! 第一係因為《龍哥》即係老闆招呼周到，熱情大方! 第二就係他們的咖喱實在太好味!熱烈推薦大家去食! 只要試過他們的咖喱牛腩煲，你地就應該都會上癮繼續去食!

食祥景茶餐廳大，以前係祥景食早餐、下午茶同晚飯。由細到大，早餐一定係食沙爹牛麵配火腿蛋奄列，飲凍朱古力。唔知係因為食慣左呢到既沙爹牛定點，所以，目前我食過既沙爹牛，我覺得祥景既係最好味!個火腿蛋奄列就冇以前咁好食了，熟左少少。而且，火腿蛋奄列入面d火腿竟然少左勁多 = =" 冇食幾個月姐，個量cut到得返咁少，定係師父心情唔好?? so sad!杯凍朱古力仍然係咁好味

我是區內人，今晚祥景少有地人煙稀少，不用等候與老婆喜得卡位。召來了一向愛好的原汁牛腩飯及初試的陳皮鴨腿湯飯，不出五分鐘飯來，牛腩飯菜肉俱多汁也恰好夠，今次的牛腩偏瘦可是也十分入味，筋和肉的比例亦算不錯，而鴨腿則用上花瓷大炖盅上，保持溫度得來可與飯分開上，湯底較濃但陳皮味不太大，鴨腿腍嫩得可用筷子一啖啖夾出來，感覺鮮香毫不肥滯，給悶熱天氣帶來湯飯的消暑清新。整頓飯冇額外飲品才$70，算實惠得來質素高。

今日早左起身,有時間去享受一個令令早餐黎到係屋企附近既祥景茶餐廳呢間野有超過20年既歷史一直都受附近街坊歡迎,就算附近商場有大改變,祥景依然屹立不倒今次推介既就係沙嗲牛肉麵沙嗲香得黎又唔辣,而且一D都唔硬,食落去非常之香濃D湯令到D麵好入味食落一D都唔會覺得乾巴巴成碗麵非常好味成份餐除左麵之外 亦都有牛油方飽+火腿奄列味道都唔錯架,份量夠曬豐富,而且又提神除左早餐值得推介之外蛋撻亦都係祥景一大特色蛋撻皮又香又脆,成舊撻聞落有好香濃既蛋味咬落去都唔會令人失望,口感一流

早上收工去了良景醫肚，記得幫襯過一次祥景唔覺特別好，故再試多次。選了早歺B改通粉，火腿煎蛋，熱奶茶。沙嗲牛肉通5/10 ~ 份量頗多，最先來到試了一口湯粉，怎麼不熱的，只是微暖，14度的天氣叫它涼粉不為過，本人覺茶餐廳與連鎖快餐店分別在於食物要夠熱，這點也做不到，廚師根本沒有用心去做。說回味道，沙嗲汁是夠濃，夠香，與湯底撈"雲"後仍有沙嗲味，可惜就是太凍 ! 牛肉本身已很入味，質感正常，沒有被鬆肉粉弄至軟軟滑滑的怪質感，通粉亦不淋不硬，剛好 !火腿煎蛋方飽6/10 ~ 蛋煎得不熟，但頗生，仍有蛋白未凝固，與翠華的燶邊蛋冇得比，火腿冇煎，麵包算鬆軟。奶茶7/10 ~ 最好是奶茶，夠熱滑香濃。$27早餐只比翠華平1元，質素就差多了。

去茶餐廳食—份三文治，應該對廚師黎講無難度，好簡單的工作，誰知會這麼難食。我order左—份公司三文治，首先方包是隔夜旳，炒蛋有勁多獲屎，叉燒又硬又燋的，蕃茄是乾的，唔知做乜夾住的曰頭賣淨的沙嗲午牛肉囉，十分唔夾，這是我人生裡食過最最最難食的三文治，所以要同大家分享。求其是但去制造，不如唔好做啦，浪費了食物！！！

拿破侖蛋糕拿破侖即為酥皮蛋糕，作為“酥“類甜點，既不酥香又不鬆脆，絕對不合格。拿破侖蛋糕傳統上只應有簡而美的吉士醬，而較新一代且較大眾化的拿破侖內含蛋白霜`杏仁等，非常普遍,我絕不抗拒。但何時加了椰絲的成份？椰絲味道格格不入，且味道上只有死甜，實屬錯配的低質素作品。祥景？茶記？看來吃回茶餐奶茶好了！

良景商場有兩家大型超市,精明消費者當然兩家都逛逛來比較一下,運動量多了消化力也較快,逛了兩個多小時也是時候休息一下了。 剛才"食完兼夾拎"的酒樓位處藍色招牌超市旁,這家裝修後重開的茶餐廳就在另一家紅色超市側,同樣的方便良景街坊!裝修後的祥景茶餐廳比以前豪華了不少,沒有以前那麼街坊感覺,反而如翠華般靚裝;麵包櫃也比以前近距離,起碼不會買麵包時跟阿姐相隔一層玻璃窗; 最搶眼還是入口處以那盞以水晶粒綴成店名"祥景"的水晶燈, 還會跟燈光變色的唷。看似大聲大氣的阿哥侍應其實蠻細心,見到我們那部銀色跑車會找張方便泊車的桌子給我們,不會視若無睹。望望手錶剛過了茶餐時間,不如吃過early bird dinner,只是我好想試其馳名沙爹牛肉哦,決定另點一個沙牛包好了。以紐紋餐包做的沙牛包個子也不小,餐包還先以牛油煎香裡面,脆卜卜香噴噴的齋包本已很好吃,加上沙牛後更不得之了!祥景的沙爹牛的確名不虛傳,濃稠沙爹汁帶著花生香, 有點像串燒沙爹那種香味,只欠炭火香而已,好味!牛肉也沒有太多梳打粉後遺症,入味牛肉片軟綿中還有點嚼勁,與其說沙牛馳名,個人認為那鹹度適中的濃香美味沙爹汁才是鎮店之寶! 凍檸茶茶色深

難得做屯門,竟然見到祥景 開返 立即回想前女友介紹呢度既沙嗲牛麵 入去想搵個位食早餐...早餐都咁多人食唯有搭台...同人一齊坐例牌望都唔望餐牌...同待應叫沙嗲牛麵走包+凍奶茶 待應照舊都係咁有效率~ 前後唔需要3秒....望一望張單...26蚊 記得之前食早餐都係22蚊...死人領x....加租越加越貴 凍奶茶黎到...同以前一樣 好純好好味!!食物黎到~ 記得以前女友話...先用叉搞搞d牛肉同麵搞好之後就先食 炒蛋先~ 食食下炒蛋~ 再搞下碗麵 隻炒蛋其實好普通 可能呢間係我回憶既餐廳感覺上好似乜都好好味!! 到正式食麵... d湯同沙嗲合二為一...完全融入哂d麵度其實我覺得好特別...d湯唔係好熱...叫做暖暖地...但係同沙嗲就好夾囉d麵軟軟地,咬口又有少少彈性~仲有沙嗲味...good 但係d牛肉就麻麻...有d有根....食既途中望一望餐廳~ 裝修得好靚但係再望下d餐牌...加價加得好勁 希望祥景會頂得住啦~ 食完個早餐前後都唔洗15分鐘 又要做野了~ 離開時再回望祥景個光頭佬老細 雖然唔識佢~ 但感覺就好似識左好耐~ 好耐冇見佢