影片
更多
2018-10-30
620 浏览
原本一行五人想去熟食市场食晚饭，但同行有大有细，真系唔多方面 唯有转战酒楼啦！第一次帮衬海东轩，佢同一般街坊酒楼一样做街坊生意，所以有套餐，价钱大众化，而且碟头足！今次竟然又有惊喜㖞！街坊酒楼嘅特色之一系有孖宝套餐，芝士大虾伊面拼上汤浸时菜，芝士大虾啲芝士汁香浓味美而且多到满泻咁滞，芝士控最爱椒盬鲜鱿唔知点解唔热，唔通一早整定？？味道方面系唔似坊间一味死咸，鱿鱼系新鲜货，食得出弹牙鲜味！啫啫鸡煲 - 新鲜滚热辣，打开煲盖真系香气扑鼻，味道咸中带辣，鸡件吸尽酱汁，葱头，南乳味道，难得嘅系鸡肉仍然滑嫰多汁 木桶三虾炒饭 - 正确嚟讲应该系木盆至啱，所谓三虾即系虾酱、虾干、鲜虾炒饭，用足靓料，点会唔好食呢？木盆饭量惊人起码有十碗仔饭！服务啲姐亲切有礼，值得一赞！
第一次帮衬海东轩，佢同一般街坊酒楼一样做街坊生意，所以有套餐，价钱大众化，而且碟头足！今次竟然又有惊喜㖞！
街坊酒楼嘅特色之一系有孖宝套餐，芝士大虾伊面拼上汤浸时菜，芝士大虾啲芝士汁香浓味美而且多到满泻咁滞，芝士控最爱
椒盬鲜鱿唔知点解唔热，唔通一早整定？？味道方面系唔似坊间一味死咸，鱿鱼系新鲜货，食得出弹牙鲜味！
啫啫鸡煲 - 新鲜滚热辣，打开煲盖真系香气扑鼻，味道咸中带辣，鸡件吸尽酱汁，葱头，南乳味道，难得嘅系鸡肉仍然滑嫰多汁
木桶三虾炒饭 - 正确嚟讲应该系木盆至啱，所谓三虾即系虾酱、虾干、鲜虾炒饭，用足靓料，点会唔好食呢？木盆饭量惊人起码有十碗仔饭！
服务啲姐亲切有礼，值得一赞！
张贴
