海東軒

营业中

休息中

8月29日星期四晚買了肉蟹，海蝦，扇貝和英倉魚來這裏加工，另外加點了冬瓜盅和一客燒鴨。薑蔥炒肉蟹超正味道頂呱呱，白灼海蝦冇難度夠鮮味，之前試過買竹節蝦兩食，蒜蓉蒸和咸蛋黃金蝦，超好味。蒜蓉粉絲蒸扇貝蒸得恰到好處，煎封英倉魚夠香口，冬瓜盅好夠料。以前試過買海鮮往市政大樓熟食中心加工，味道不及這裏兼加工費比較貴，下次一定會再幫襯這間酒樓，職員招呼好又親切。

今日去鴨脷洲大街，海東軒酒樓食晚飯，這是一間比較舊式的酒樓。我們叫了12人套餐，條龍躉真係好大條和新鮮。瑤柱蛋白炒飯很大碟，米飯炒得粒粒分明，米飯口感嫩滑唔會過於油膩，平時晚飯比較少食澱粉質的，我也忍不住食了一大碗。炸子雞和乳豬炸得很脆和肉質嫩滑。侍應的服務態度很好，雖然很忙碌但很樂意幫我們拍照，她特意除下她的手套去幫我們影相。

因今日10個家庭成員食飯，諗住食海鮮加工，搵一間酒樓坐得舒服啲。乳豬不過不失，剛剛合格水平。正常急涷蝦水平，芡汁開得太稀。條黃皮老虎斑4斤係街市買千一蚊，拎黎加工，最後廚房師傅連洗都洗得唔乾淨，魚鱗都冇再幫我清乾淨啲，搞到蒸頭腩有啲腥腥地🫠另外炒球做得都唔好，魚肉散散地，落味又重手左。蒸得過熟😓呢個做得幾好，酒味夠，好香，剛好熟。呢個雞又反而整得幾好食，夠味剛好熟，食落肉質口感好！整體而言，雖然加工費算便，餐廳服務又幾好，但外來海鮮煮功唔得，諗住近海鮮街市，加上大酒樓，應該都穩陣，結果有啲失望。

臨近做冬的日子，和同事去了鴨脷洲一間街坊酒樓飲茶。店面比起很多酒樓都較為細間，不過就有不少懷舊的點心。星期一至五的茶芥為每位$8，想吐嘈一下有些茶杯和碗有污漬，需要換過另外一隻 ... 但食物質素和價錢算CP值高，而且我吃完回去沒有肚痛 (笑)雄哥叉燒皇 ($138/份) - 都幾大份，叉燒亦切得很厚身。每一塊叉燒都肥瘦適中，口感鬆軟、甘香美味喔！相較之下 蜜汁叉燒腸粉 ($32.8) 就一般，可能是沒有預想的蜜汁。椒鹽魷魚鬚 ($55) - 平時吃開的那些都是炸粉厚，所以很大條。但這裡的是魷魚鬚本身就很厚，口感還很彈牙。潮州粉果 ($24.8) & 招牌蝦餃皇 ($32.8) - 粉果和蝦餃都好大粒，幾飽滿。黑椒金錢肚 ($27.8) - 金錢肚好軟腍，黑椒味都夠，很惹味。蟹籽蒸燒賣 ($30.8) - 賣相一般，但味道還是不錯的喇。港式炸雲吞 ($26.8) - 炸得很脆身，不過沒什麼特別驚喜。山竹牛肉球 ($16.8) - 下邊墊著的是菜，不是腐竹 ... 雖然牛肉球味道不錯，但總感覺差點什麼 > < !!北菇棉花雞 ($27.8) - 雞肉超嫩滑，魚肚也十分入味

｜✏️環境: 6/10｜✏️位置: 8/10｜✏️服務: 8/10｜✏️選擇性: 8/10｜✏️價錢: Around $1,200/person｜✏️Prefert:  Booking 攞定位｜✏️特別留意: 人多可以訂房 ( 記得預先訂 )｜✏️推介: 濃湯雞煲翅👴📢 講古佬 《 STORY TIME 》 : 今日既主角係 "SEA FOOD" 🌊。一行人 happy hour 後過左黎海東軒食飯，因為朝早6點已經叫左海鮮佬送海鮮過黎，先有時間整靚D海鮮，好似鮑魚今次用鹵水去JUM，又要慢煮入味，真係要早早早拎過黎。好啦，大家咁熟啦，一上樓梯，嘟… ( 宜家係人都知食飯都要嘟 )，直行轉左入房，有部電視比你睇，一張圓枱坐到12人 ( 拿…限聚放寬左架啦)，冷氣係左一部、右一部，十分之好。我地拎左24支酒去，因為人地都要做生意，個雪櫃又真係唔會咁多位，但係都幫我地雪起左幾支，真係盡晒力架啦 😆飲還飲，緊係要食野啦!第一味，叉燒拼燒鵝，雖然全港九都有得食，但係佢質素係可以既，比70分，因為高質既真係太多，但佢地都唔係差架，食得過。之後比返D冰鎮鹵水飽魚你鎮下把口先..喂，又堅係彈牙，鹵得入味，朝早送到，

冇晚市其實晏晝都可以食海鮮😂鴨脷洲大街街市出名海鮮種類眾多，買完海鮮要拎去整你要揀一間油水費價錢公道而味道中上嘅唔係咁容易。好多時候見食客都係攞去市政大樓加工，我同屋企人想冇咁迫又坐得舒服所以決定拎去一間小酒樓豉油王蝦碌加工費$90/斤海蝦本身非常鮮甜美味肉質爽脆加上師傅走油然後用少許豉油回鍋，非常香口食，而且得出有少少美極豉油提味，十分唔錯薑蔥炒蟹加工費用$90/斤雖然外觀豉油色水欠缺，不過味道係足夠，但鑊氣方面就豉油蝦比較出色豉椒炒蟶子皇加工費用$90/斤蟶子皇大忌過熟，廚師時間管理啱啱好鮮嫩之餘豉椒豉汁味道唔會過重，保持蟶子皇本身嘅鮮味，非常好至於一班兩味就係海東軒提供，炒班球有鑊氣，而且斑肉完整唔會鬆散，班球新鮮冇腥味$，值得一試其他菜式方面不過不失，朋友介紹中午飲茶點心的非常唔錯，下次有機會會試試

🍔食物質素：👍🏻👍🏻👍🏻👍🏻  💵價錢性價：👍🏻👍🏻👍🏻👍🏻    📸打卡指數：👍🏻        🪑環境衛生： 👍🏻👍🏻👍🏻👍🏻     🤵🏻店員服務：👍🏻👍🏻👍🏻👍🏻fai.lok.mode今次去完鴨脷洲避風塘住船屋，就係附近飲個茶海東軒專做街坊生意，茶點都好大眾化當天星期日:茶位 $8, 小$18.8, 中$26.8, 大$29.8, 特$31.8椒鹽魷魚鬚 ( $48 ) 👍🏻依個好值得叫，一般魷魚鬚都係一條條炸海東軒就打孖上兩條炸，炸皮面就大左，而且炸唔係好厚，咬落脆口好多千層馬拉糕 ( 大點$29.8 ) 👍🏻依到千層馬拉糕好似蛋糕咁樣，夾左三層薄薄奶黃餡，香口好多而且包蒸到好軟熟，都冇左傳統馬拉糕好乾感覺香滑奶黃包 ( 中點$26.8 )同一般酒樓奶黃包差唔多，不過奶黃餡就好多，又做到半流心，未搣開晒，餡已經爆出黎魚蓉釀辣椒 ( 中點$26.8 )魚肉好夠味，fai.lok唔係好食得辣，但又想試下，依到釀辣椒都好辣下fai.lok邊食係要邊飲水紅燒乳鴿 ( $38 )乳鴿偏細，肉唔乾好滑，但皮就唔係太脆蠔油菜心苗 ( $35 )食唔到蠔油味，好淡，可以問侍應拎豉油但食落又

🟥曾經在這𥚃吃過午餐給我的印象很差，有一種唔憂做的態度，而且食物又不太出色，相隔一年多，再次光顧，見到門口有5選1優惠，反正未食過呢到既晚飯，咁又食吓🤔，竟然令我。唔好用360度，用240度改觀😂😂食物同服務都有所轉變，是一件非常好的事👏👏👏👏👏⋯⋯———————🟧5選一優惠：我選了波士頓龍蝦🦞伊麵78元其餘食物就以餐牌正價價錢—————————-🟨1-波士頓龍蝦🦞伊麵：龍蝦🦞新鮮，肉嫩爽囗彈牙，味道也是不錯，伊麵底乾身帶口感，不會過硬或過焾———————🟩2-欖角一字骨：呢個味道做得出色，一字骨咬落面頭帶脆口且肉質鮮嫩，欖角更帶出吃下來的特色—————-🟫3-炸乳鴨：用咗78元優惠價食龍蝦🦞，所以乳鴿就要用正價48元一隻，呢個價錢正常，但隻乳鴿真係乳得好更要，細到加細碼咁，果然係乳鴿中以乳....乳.....鴿😂而且皮又不夠脆，係乳鴿較為差一些😅———————🟪4-啫啫肉鬆芥蘭煲好有鑊氣，上枱時渣渣聲，又夠香夠熱，芥蘭亦嫰口帶爽脆—————————-😇由我第一次去食比一個😭咁既公仔變為今次去比一個😋舐舐脷公仔，確實有很大進步，其實昵段期間，我中午也吃過，見佢地係有進步咗，經過今次晚飯

中午和4位同事一起去了鴨脷洲大街的海東軒飲茶吃午飯，這裡專做街坊生意，中午繁忙時間都頗不容易搵到位，幸好，我們其中一個同事跟酒樓的一位職員愛姐商熟，所以到達之前，打個電話給她就留了一張檯給我們。水滾茶靚，來壺普洱!天氣好熱，其中有同事想飲凍飲，所以要了青島啤，一邊嘆茶一邊飲啤酒，都好少有。點了幾款點心，包括魚翅餃、叉燒腸、釀辣椒、山竹牛肉、鵪鶉蛋燒賣、蒸排骨、叉燒包、燒賣、蝦餃和鴛鴦炒飯。價錢方面，這裡較出面的平10%左右。味道方面跟一般的酒樓大致相約，釀辣椒的魚肉好夠味、蝦餃的蝦肉好有彈牙口感、叉燒包熱辣辣好好食。不過，碟蒸排就有點問題，因為味道有點發酸，於是找來店員立即處理，結果是幫我們取消了單。埋單每人六十多元，非常抵食，難怪那麼多客人來光顧。

早市時段 7:00-12:00，星期一至六 (入單計)，早茶好抵食，三個人都係食左$100左右。蟹籽燒賣皇 $16.8，燒賣係必吃之點心，呢個正常吧，不過就散d，唔夠結實。懷舊鴨腳札 $16.8，我通常會叫雞札，今次阿媽想食鴨腳札，味道都幾好，隻鴨腳札就細隻左d。港式炸雲呑 $9.8，好少係酒樓見到呢款炸雲呑，係扁身d，傳統蝦角漲卜卜好感會好d。山竹牛肉球 $6.8，有三粒確實好抵，加左喼汁好味。醒神自選孖寶 $24.8，蜜汁叉燒腸，蒜茸蝦春卷，叉燒腸都唔錯，但我就唔喜歡裡面有芫茜；春卷即叫即炸，新鮮熱辣。

預計時間早左，就去飲茶，甘啱見到有間酒樓，又去試下，上到去，無乜人理你，甘就問位男士坐那裡，甘入坐後，服務尚可接受。之後就開始點食物。海浙勲蹄——-用薑蔥撈出來的海浙，就是平日食白切🐔的薑蔥的味道，但我自己覺得撈落海浙食就吳係甘match（我自己個人口味）勲蹄食落味道怪怪，總吳似平日食果D🤔🤔菜心苗——-望落一D都吳嫩，又鞋又吳熱，又過曬火😥鳳爪—-太林，完全吳似即刻蒸，好似隔夜甘，味道一般😥應該都吳會再去，食物質素對於我不太合口味，坐位都好坐既，不過可惜就😥😥

今日適逢呀嫲生日，我地舉家入到黎鴨脷洲參加呀嫲既壽宴呢到環境都唔錯，地方寬敞舒適，食物質素都幾好！尤其係佢地既用心制作，真係令人嘆為觀止！！本人至愛佢地利用蘿蔔雕刻出黎既花朵🌼同埋個壽星公，真係雕刻得十分神似食完正餐仲有甜品杞子桂花糕，桂花糕唔太甜，食落幾清香美味，剛好可以一解油膩感真係雕刻得唯肖唯妙個燉湯十分滋補，有鮑魚、花膠、海參......多種用料制作已成，非常鮮甜美味條魚蒸得剛剛好，食落肉質鮮甜嫩滑炒飯色香味俱全，炒得好有鑊氣！！

晚飯時候不過冇訂位，一行四人去 去到， 可能太好生意企喺度等咗一排先至問我哋有冇訂位， 之後安排咗一張枱就走咗去，因為只有兩張櫈，於是我去其他空枱搬櫈埋去， 我在般多咗一張櫈諗住用嚟放手袋， 即係四個人佔咗佢五張櫈， 等咗一排都冇人招呼， 突然之前招呼我嘅女侍應,走埋嚟話酒樓唔夠凳用 咁我話 你都要畀啲地方我放物品㗎 ，我問佢攞張圓櫈放手袋佢都有畀我, 我隔離枱見到咁樣就細細聲話畀番張劑緊嘢嘅櫈佢，但個女侍應又洒手話唔需要， 個女侍應又 走開咗連茶都冇開畀我 我細心睇一睇 當時仲有45張吉枱 而當時有 三至四枱人客都各自有 用一張吉凳放自己嘅物品， 我覺得唔係咁開心就叫個女侍應埋嚟問佢點解 其他枱人客 都可以有一張凳放野， 但係佢就淨係要攞番我放緊袋嗰張櫈， 佢就話佢遲啲會問其他枱嘅人客攞返啲凳！我都唔想再同佢爭拗 我就話唔食啦我走！ 總之咁樣嘅招呼我唔會再幫襯佢！

原本一行五人想去熟食市場食晚飯，但同行有大有細，真係唔多方面 唯有轉戰酒樓啦！第一次幫襯海東軒，佢同一般街坊酒樓一樣做街坊生意，所以有套餐，價錢大眾化，而且碟頭足！今次竟然又有驚喜喎！街坊酒樓嘅特色之一係有孖寶套餐，芝士大蝦伊麵拼上湯浸時菜，芝士大蝦啲芝士汁香濃味美而且多到滿瀉咁滯，芝士控最愛椒盬鮮魷唔知點解唔熱，唔通一早整定？？味道方面係唔似坊間一味死鹹，魷魚係新鮮貨，食得出彈牙鮮味！啫啫雞煲 - 新鮮滾熱辣，打開煲蓋真係香氣撲鼻，味道鹹中帶辣，雞件吸盡醬汁，蔥頭，南乳味道，難得嘅係雞肉仍然滑嫰多汁 木桶三蝦炒飯 - 正確嚟講應該係木盆至啱，所謂三蝦即係蝦醬、蝦乾、鮮蝦炒飯，用足靚料，點會唔好食呢？木盆飯量驚人起碼有十碗仔飯！服務啲姐親切有禮，值得一讚！

我差不多日日中午都去呢度午膳， 今日食咗一碟點心 豉汁排骨， 粒粒又肥 又靭皮 難以入口， 於是同女樓面反映， 佢即時話換個碟畀我 ，我講我埋單走叻，費事你哋難做唔需要換叻， 佢答話都要反映下畀個經理知 日後改善， 我後來出櫃面埋單 ，該店 經理竟然同我話碟排骨應該係咁嘅 ，唔算肥 ，應是正常理想的， 係我唔識食排骨 同埋 喺酒樓 食得少啫， 其反應態度甚差， 當作我是無事攪事論， 我即時表示又唔係叫你更換亦都唔係 要你哋扣錢， 只是你個夥記話反映下我才多說兩句，你咁嘅服務態度真係離曬譜，如果你唔接受，可以請你哋老細出嚟評理等我直接同佢傾反映下，佢竟然話佢老细唔會 為此小事 得閒招呼我， 我答話咁我就寫信同埋上網投訴你吖， 佢話歡迎我 咁做喎 ，那位女樓面即時向本人勸解，非常好禮貌招呼我 ，想和緩下氣氛， 嗰位經理竟然叫個女樓面唔好啋我去做野，竟然有如此待客之道， 一間正常食肆 如有 人客投訴必然將點心更換或者 扣錢， 我臨走時那位經理居然嬉皮笑臉說聲好行夾唔送， 如此食肆也有這樣欺客之道？？