上海美食之家

营业中

休息中

成日经过都无机会试，今日终于试到，为大家报告。小笼包：一笼六粒，即叫即蒸。皮够薄够滑。馅就一大旧肉，汤唔多，唔系唔好食，不过似食肉包多过似小笼包。上海粗炒面：油份算少，面质弹牙，椰菜同肉丝的份量比较少，个汁就似乎甜咗少少。菜肉云吞：最欣赏佢跟好多白菜仔，汤底淡，感觉唔错。菜肉云吞嘅真身就一般啦。酸辣汤：佢属于旧式深色的酸辣汤，唔系好辣，材料都足，不过唔系全部都切丝，所以食落有啲有趣的感觉。另外饮咗豆浆，呢个比较差，好淡兼无豆味，麻麻地。总结，整体水准好一般，不过胜在家庭式风味，无好似其他食评讲到咁高评价。