影片
更多
2024-10-22
1460 浏览
去海洋公园之前嚟咗呢间扒房食午餐，初头以为系a la carte，原来做紧半自助，前菜嘅沙律吧系自助餐，加一个餐汤，一个主菜，一个甜品。前菜自助吧嘅选择唔系十分多，好多沙律菜同埋沙律嘅配料，非常欣赏佢哋嘅陈醋以及橄榄油选择，令人选择困难 。喜欢Duck confit potato salad , 拆鸭肉伴沙律，非常好嘅配搭。其他中规中矩，没有什么惊喜。面包无限添食，啱晒我呢啲咁钟意碳水化合物嘅人。是日餐汤系粟米汤，普普通通 。主菜我同男朋友分别叫咗牛扒同埋羊架 。以lunch嚟讲，份量非常大，仲有配咗薯仔同西兰花 。牛juicy ，叫咗medium做得啱啱好。羊架就一般般，咁啱我𠮶一两件比较多肥膏，叫咗medium，但有少少偏熟 。不过欣赏佢哋嘅服务员，细心留意住我哋食嘢嘅进度，准确喺good Timing出到个主菜。甜品系一件好细嘅NY芝士蛋糕，感觉有少少寒酸，只系象征式比少少甜品完成个午餐。亦都有可能系比太大件客人都食唔晒，始终前菜都系自助餐。加咗百几蚊无限添饮红白餐酒果汁汽水，最后发现其实自己都系饮一两杯，下次再有机会都系唔叫free flow 了！整体尚算满意，不过最后埋单差
前菜自助吧嘅选择唔系十分多，好多沙律菜同埋沙律嘅配料，非常欣赏佢哋嘅陈醋以及橄榄油选择，令人选择困难 。喜欢Duck confit potato salad , 拆鸭肉伴沙律，非常好嘅配搭。其他中规中矩，没有什么惊喜。
面包无限添食，啱晒我呢啲咁钟意碳水化合物嘅人。是日餐汤系粟米汤，普普通通 。
主菜我同男朋友分别叫咗牛扒同埋羊架 。以lunch嚟讲，份量非常大，仲有配咗薯仔同西兰花 。牛juicy ，叫咗medium做得啱啱好。羊架就一般般，咁啱我𠮶一两件比较多肥膏，叫咗medium，但有少少偏熟 。
不过欣赏佢哋嘅服务员，细心留意住我哋食嘢嘅进度，准确喺good Timing出到个主菜。
甜品系一件好细嘅NY芝士蛋糕，感觉有少少寒酸，只系象征式比少少甜品完成个午餐。亦都有可能系比太大件客人都食唔晒，始终前菜都系自助餐。
加咗百几蚊无限添饮红白餐酒果汁汽水，最后发现其实自己都系饮一两杯，下次再有机会都系唔叫free flow 了！
整体尚算满意，不过最后埋单差唔多七百几蚊一个人就觉得性价比唔算高 。
张贴
