厚德飯店

营业中

休息中

哥哥由爱尔兰远到回港，当然要带佢食返餐正宗粤菜，就拣咗厚德饭店。前菜就点咗醒胃花甲，花甲好鲜甜，配上酸酸地嘅汁，真系好开胃。川味花胶，苦瓜煮到一啲都唔苦，而家苦瓜爽口，花胶又稔，连我侄囡呢啲鬼妹仔都话好食。碧绿炒东星班球，班球肉滑鱼味十足，连带配菜黄椒、西芹都咁清甜爽口。姜葱炆班翅，一上枱已经非常香，忍唔住第一时间就食，班翅煲炆得好干身，班翅食落超香脆又惹味，最啱一路食一路饮酒。龙虾泡饭睇落平平无奇，但食落有好浓嘅龙虾鲜味，再加入附送嘅炸贵妃米粒之后，口感层次梗加丰富。炒龙虾球煎米粉底，龙虾肉质新鲜弹牙，配米粉底我都系第一次试，米粉两面煎到好香脆，原来比配伊面梗加好食。青榄瘦肉炖螺头汤，天气开始入秋要滋润下，螺头好鲜好香，加上瘦肉甜味，真系好好饮，大家都忍唔住饮多碗。哥哥话回港第一餐就食到咁高质嘅粤菜，坐咁耐飞机都值得。