沙田新強記燒鵝海鮮酒家

营业中

休息中

拜年都冇咁齐人，今晚成个家族饮茶，好耐冇嚟过呢一间酒家食嘢，之前都多数系嚟食晚饭，今次你饮茶，又觉得几有惊喜。我觉得佢系偏向旧茶楼嘅风味，点解咁讲呢？又蒸萝卜糕、鸡丝粉卷、千层糕同埋芝麻卷。都系旧式嘅做法，芝麻卷仲癫到系啱啱蒸完之后有水出嘅。卖相系搞笑啲，但系真心好食。同埋好少中午打口都有粥食，仲要个粥底都绵绵地，唔好理佢点整，但系佢就整到好似煲咗好耐嘅感觉。逊色少少就个烧腩卷啲柱侯酱味太浓，同埋最后叫咗个黄沙烧卖，个猪润嚡过沙纸。另外值得赞系个烧鹅，食得出个肉系有层次嘅香味，同出面𠮶啲烧鹅真系食得出个分别。同埋只鹅都唔算太肥比例适中，我觉得可以多啲嚟饮吓茶都唔错，唯独系冷气唔系好够开咗吹风机都有少少热。