家賀屋刺身寿司專門店

周五为舞伴庆生嘅法国大餐实在令人太失望，三位好友决定请多餐补数，结果由其闺蜜拣咗「家贺屋刺身寿司专门店」，店名刚巧衬返个「加贺」主题。湾仔楼上日本料理极受街坊欢迎，好在四口子早已订座先有卡位坐。天花上嘅木造吊灯及墙上挂出嘅樱花富士山画品简单地渗透出和风气息。餐店与时并进，除咗可以零接触地经手提电话于网上落单之外，安心报到方式及教学亦可于餐桌旁找到，卫生方便得很。遇上应用问题，温婉嘅妹妹仔都好有心机教，实属好客之举。天口咁㷫，好酒嘅小肥埋位当然系要点返杯麒麟生啤饮啦，顺便等待女主角与好友慢慢商量点菜事宜。云石桌上摆有齐备嘅自用餐具、暖水壶、酱油及山葵。师傅将所点选嘅三款刺身项目，即特选刺身盛、特大北海道厚岸蚝、北海道海胆，一次过以拼盘呈上，令外观更为震撼吸睛。特选刺身盛（$198）包有以下六款特选刺身，每款均有两件：爽润鲜甜嘅油甘鱼、肥美软嫩嘅火炙金目鲷、红润厚切嘅吞拿鱼、烟烟韧韧嘅八爪鱼、橙亮鲜美嘅三文鱼、爽滑脆润嘅牡丹虾。特大北海道厚岸蚝（$68/只）：生蚝嘅体积绝对属特大劲量级，据悉每只平均有成150g架！单睇外表信相大家都可以感受到蚝只肥嘟嘟、滑捋捋，食埋落口就知靓蚝爽厚得黎仲好