影片
更多
2024-12-10
119 浏览
本身比门口$25碗嘅麻辣牛丸粉吸引咗视线睇真啲 原来外卖先有🙈不过唔紧要 见咁多人帮衬价钱都好公道 选择又够多 一定冇伏 一于响度食其实呢度除咗粉面之外 仲有常餐、汤饭类所以就算同行嘅朋友唔想食牛 都绝对好多选择❣️八宝面想样样都食到 叫呢碗一定啱一碗有齐牛筋、牛腩、牛肚、贡丸、胡椒猪肚丸、鱼皮饺、墨丸、鱼蛋果然主打卖牛 牛肚、牛腩、牛筋都炆到好腍好入味各款丸类都大大粒 够晒弹牙 贡丸仲要好好卖好幸运我食到最后一粒😆❣️爽脆墨须拼云吞米墨鱼须煮到恰到好处 食落一啲都唔韧 带有少少咸味云吞大大粒 食落唔会有我最惊嘅肥猪肉带有少少大地鱼香 仲有两大只虾添❣️香茅鸡翼冇谂过呢度嘅香茅鸡翼做得咁出色 香茅味好出鸡翼外层酥脆 里面充满着肉汁 冇得输❣️腐乳通菜好感动冬天都有腐乳通菜食 通菜煮到好翠绿煮到刚刚熟 啱晒我口味 腐乳汁都好香口 ❣️炸鱼皮原来系一大包 仲要用密实袋上 食唔晒可以拎走够晒细心鱼皮食落香脆 仲会配一碗鱼汤 钟意食脆口又得 点下汤食一样好味好佩服呢度嘅员工叔叔 真系一打二 冇停过手好忙嘅时候依然好好礼貌 一眼关七 🫡 respect
本身比门口$25碗嘅麻辣牛丸粉吸引咗视线睇真啲 原来外卖先有🙈不过唔紧要 见咁多人帮衬
价钱都好公道 选择又够多 一定冇伏 一于响度食
其实呢度除咗粉面之外 仲有常餐、汤饭类
所以就算同行嘅朋友唔想食牛 都绝对好多选择
❣️八宝面
想样样都食到 叫呢碗一定啱
一碗有齐牛筋、牛腩、牛肚、贡丸、胡椒猪肚丸、鱼皮饺、墨丸、鱼蛋
果然主打卖牛 牛肚、牛腩、牛筋都炆到好腍好入味
各款丸类都大大粒 够晒弹牙 贡丸仲要好好卖
好幸运我食到最后一粒😆
❣️爽脆墨须拼云吞米
墨鱼须煮到恰到好处 食落一啲都唔韧 带有少少咸味
云吞大大粒 食落唔会有我最惊嘅肥猪肉
带有少少大地鱼香 仲有两大只虾添
❣️香茅鸡翼
冇谂过呢度嘅香茅鸡翼做得咁出色 香茅味好出
鸡翼外层酥脆 里面充满着肉汁 冇得输
❣️腐乳通菜
好感动冬天都有腐乳通菜食 通菜煮到好翠绿
煮到刚刚熟 啱晒我口味 腐乳汁都好香口
❣️炸鱼皮
原来系一大包 仲要用密实袋上 食唔晒可以拎走够晒细心
鱼皮食落香脆 仲会配一碗鱼汤 钟意食脆口又得
点下汤食一样好味
好佩服呢度嘅员工叔叔 真系一打二 冇停过手
好忙嘅时候依然好好礼貌 一眼关七 🫡 respect
张贴
