張公館

营业中

休息中

环境5分：高级中餐厅格局，廿九楼有无敌景，楼面高，地方光猛阔落唔迫，可以畀五分。卫生5分：餐枱有晒白色枱布，人人都有对公筷同刀叉，热茶一路有火暖住，一样畀五分。服务 5分：楼面好鬼多经理，上菜自动介绍食品，又不断加茶，都系五分。味道5分：1)      套餐入面嘅金牌三小食有陈醋黑木耳，麻酱海蜇，西班牙黑毛猪叉烧。黑木耳好爽口，好开胃。麻酱海蜇都好爽口，好嘢味。西班牙黑毛猪叉烧就超级松，又好爽口，非常好味。2)      张公馆炖汤用左虫草花，花胶，鸡脚，瘦肉，干瑶柱炖乳鸽。个汤好足料，有成两三件好滑好厚嘅花胶，只鸡脚又淋，虫草花个味又出，味道好香好浓好甜，滋阴又润肺。3)      主菜系个脆皮辽参鹅掌伴三色菜。三色菜有唐生菜，菜心，西兰花，全部都好新鲜。大大只鹅掌好滑好浓味。最特别就系件炸过嘅脆皮辽参，个皮真脆唔油，又厚又爽。4)      瑶柱荷叶饭好香好干身好够料。5)      甜品送蛋白杏仁茶，好滑又唔甜，好健康。抵食5分：二百几蚊个午餐可以食到足料炖汤，花胶，鹅掌，辽参，好难话唔抵，畀硬五分。